കാസര്കോട് ബേഡകത്ത് ഭര്തൃ വീട്ടില് യുവതി ആത്മഹത്യ ചെയ്ത സംഭവത്തില് ഭര്ത്താവ് അറസ്റ്റില്. ഗാര്ഹിക പീഡന വകുപ്പ് ചുമത്തിയാണ് അസ്കറിനെ അറസ്റ്റ് ചെയ്തതെന്ന് പൊലീസ് അറിയിച്ചു. ഡിസംബര് അഞ്ചിനാണ് സംഭവം. സ്ത്രീധനത്തിന്റെ പേരില് അസ്കര് പീഡിപ്പിച്ചിരുന്നുവെന്നായിരുന്നു മരിച്ച മുര്സീനയുടെ കുടുംബത്തിന്റെ പരാതി.
മുര്സീനയെ ഭര്തൃ വീട്ടിലെ കിടപ്പുമുറിയില് തൂങ്ങി മരിച്ച നിലയില് കണ്ടെത്തുകയായിരുന്നു. മകള് ആത്മഹത്യ ചെയ്യില്ലെന്നും മരണം കൊലപാതകമാണെന്നും ആരോപിച്ച് മാതാപിതാക്കള് രംഗത്തെത്തി. മകളുടെ മരണം വൈകിയാണ് തങ്ങളെ അറിയിച്ചതെന്നും അതില് അസ്വാഭാവികതയുണ്ടെന്നും കാഞ്ഞങ്ങാട് ഡിവൈഎസ്പിക്ക് നല്കിയ പരാതിയില് മുര്സീനയുടെ കുടുംബം ആരോപിച്ചിരുന്നു. 2020ലായിരുന്നു അസ്കറുമായുള്ള മുര്സീനയുടെ വിവാഹം. ഇവര്ക്ക് രണ്ടു വയസുകാരിയായ മകളുണ്ട്.
English Summary;Domestic violence: Husband arrested in case of woman’s suicide
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.