കേരളത്തിലെ സർവീസ് പെൻഷൻകാരെ അവഗണിക്കുന്ന സമീപനം തിരുത്തണമെന്ന് സ്റ്റേറ്റ് സർവീസ് പെൻഷനേഴ്സ് കൗൺസിൽ സംസ്ഥാന സമ്മേളനം സർക്കാറിനോടാവശ്യപ്പെട്ടു.
2019ൽ നടപ്പാക്കിയ ശമ്പള- പെൻഷൻ പരിഷ്കരണ കുടിശികയും, ക്ഷാമബത്ത കുടിശികയും അനുവദിക്കണം. 2024 ജൂലായ് ഒന്ന് മുതൽ നടപ്പാക്കേണ്ട ശമ്പള‑പെൻഷൻ പരിഷ്കരണ നടപടികൾ ആരംഭിക്കുക, മെഡിസെപ്പ് പദ്ധതി കുറ്റമറ്റതാക്കുക, പങ്കാളിത്ത പെൻഷൻ പിൻവലിക്കുക, ട്രഷറിയിൽ നിന്ന് ഐഡന്റിറ്റി കാർഡ് അനുവദിക്കുക, വയനാട്, വിലങ്ങാട് ദുരന്തബാധിതർക്കായി സമഗ്ര പാക്കേജ് നടപ്പിലാക്കുക തുടങ്ങിയ പ്രമേയങ്ങള് സമ്മേളനം അംഗീകരിച്ചു.
സംസ്ഥാന പ്രസിഡന്റായി സുകേശൻ ചൂലിക്കാടിനേയും ജനറല് സെക്രട്ടറിയായി എന് ശ്രീകുമാറിനേയും ആലപ്പുഴയില് നടന്ന സംസ്ഥാന സമ്മേളനം തെരഞ്ഞെടുത്തു. മറ്റു ഭാരവാഹികള്: പി എം ദേവദാസ്, എ ജി രാധാകൃഷ്ണൻ, ആർ ശരത്ചന്ദ്രൻ നായർ, വിജയമ്മ ടീച്ചർ, അഹമ്മദ്കുട്ടി കുന്നത്ത്, (വൈസ് പ്രസിഡന്റുന്മാർ), ആർ ബാലൻ ഉണ്ണിത്താൻ, എം എ ഫ്രാൻസിസ്, എം എം മേരി, യൂസഫ് കോറോത്ത്, പി ചന്ദ്രസേനൻ (സെക്രട്ടറിമാർ), എ നിസാറുദീൻ (ട്രഷറർ).
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.