ഗോമൂത്രം കുടിച്ചാല് പനി മാറുമെന്ന മദ്രാസ് ഐഐടി ഡയറക്ടര് വി കാമകോടിയുടെ പരാമര്ശം വിവാദത്തില്. ബാക്ടീരിയയേയും ഫംഗസിനേയും നശിപ്പിക്കാനുള്ള കഴിവ് ഗോമൂത്രത്തിനുണ്ടെന്നാണ് കാമകോടി പറഞ്ഞത്. പൊങ്കലിനോട് അനുബന്ധിച്ചുള്ള ഗോപൂജ ചടങ്ങിലായിരുന്നു മദ്രാസ് ഐഐടി ഡയറക്ടര് വി കാമകോടിയുടെ പരാമര്ശം. തന്റെ അച്ഛന് പനി പിടിച്ചപ്പോള് ഒരു സന്യാസിയുടെ അടുക്കല് പോയി. അദ്ദേഹം നല്കിയ ഗോമൂത്രം കുടിച്ച് പതിനഞ്ച് മിനിറ്റിനുള്ളില് പനി പമ്പ കടന്നെന്നാണ് കാമകോടി പറയുന്നത്. ബാക്ടീരിയയെയും വൈറസുകളെയും നശിപ്പിക്കാനും ദഹനപ്രശ്നങ്ങൾ പരിഹരിക്കാനും ഗോമൂത്രത്തിന് കഴിയുമെന്നും കാമകോടി പറഞ്ഞു.
ഇന്ത്യയിലെ ആര്ട്ടിഫിഷ്യല് ഇന്റലിജന്സ് വിദഗ്ധരില് പ്രധാനിയാണ് വി കാമകോടി. പ്രസ്താവനയ്ക്ക് പിന്നാലെ സമൂഹ മാധ്യമങ്ങളിൽ രൂക്ഷവിമർശനമാണ് ഉയർന്നത്. ശാസ്ത്രത്തെ നിഷേധിക്കുന്ന പരാമര്ശത്തിനെതിരെ ഐഐടി സ്റ്റുഡന്സ് യൂണിയനും കോണ്ഗ്രസ് എംപി കാര്ത്തി ചിദംബരം ഉള്പ്പടെയുള്ളവരും രംഗത്തെത്തിയിട്ടുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.