തിരക്ക് കൂടിയതിനാൽ ചുമതല നിർവഹിക്കുക പ്രയാസകരമാണെന്നും അതിനാൽ താരസംഘടനയായ എഎംഎംഎയുടെ ട്രഷറര് സ്ഥാനം രാജിവെക്കുകയാണെന്നും വെളിപ്പെടുത്തി നടന് ഉണ്ണി മുകുന്ദന്.താന് സന്തോഷപൂര്വ്വം പ്രവര്ത്തിച്ച സ്ഥാനമാണിതെന്നും മറ്റൊരാള് വരുന്നതുവരെ ട്രഷറര് സ്ഥാനത്ത് ഉണ്ടാവുമെന്നും നടൻ പറഞ്ഞു. ആവേശകരമായ അനുഭവമായിരുന്നു അമ്മയിലെ ഭാരവാഹിത്വം. ഞാന് അത് ആസ്വദിച്ചിട്ടുമുണ്ട്. എന്നാല് കഴിഞ്ഞ കുറച്ച് മാസങ്ങളായി സിനിമകളുടെ തിരക്ക് കൂടി. പ്രത്യേകിച്ചും മാര്ക്കോ, ഒപ്പം മറ്റ് സിനിമകളുടെയും തിരക്ക്.
ഇത് എന്റെ മാനസികാരോഗ്യത്തെ സ്വാധീനിക്കുന്നുണ്ട്. പ്രൊഫഷണല് ജീവിതത്തിന്റെ സമ്മര്ദ്ദങ്ങള്ക്കിടെ സംഘടനയിലെ ഉത്തരവാദിത്തം കൂടി നിറവേറ്റുക പ്രയാസകരമായിരിക്കും. എന്റെയും കുടുംബത്തിന്റെയും സൗഖ്യം ഉറപ്പാക്കേണ്ടതിന്റെ പ്രാധാന്യം ഞാനിപ്പോള് തിരിച്ചറിയുന്നുവെന്നും ഉണ്ണി മുകുന്ദൻ സോഷ്യൽ മീഡിയയിൽ പങ്കുവെച്ച കുറിപ്പിൽ പറഞ്ഞു . സംഘടനയില് എന്നില് അര്പ്പിതമായ ഉത്തരവാദിത്തങ്ങള് നിറവേറ്റാന് പരമാവധി ശ്രമിച്ചിട്ടുണ്ട്. എന്നാല് ജോലിസംബന്ധമായ തിരക്കുകള് കാരണം മുന്നോട്ട് അത് അസാധ്യമാണെന്ന് തിരിച്ചറിയുന്നു. ഹൃദയഭാരത്തോടെയാണ് രാജിക്കത്ത് നല്കിയത്. ഭാരവാഹിത്വത്തിലെ കാലയളവില് ലഭിച്ച പിന്തുണയ്ക്കും വിശ്വാസത്തിനും ഞാന് ഏറെ നന്ദിയുള്ളവനാണെന്നും അദ്ദേഹം കൂട്ടിച്ചേർത്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.