ഓപ്പറേഷൻ നുംഖോറിൻ്റെ ഭാഗമായി കസ്റ്റംസ് പിടിച്ചെടുത്ത നടൻ ദുൽഖർ സൽമാൻ്റെ ലാൻഡ് റോവർ ഡിസ്കവറി വാഹനം ഉടൻ വിട്ടുകൊടുക്കാൻ സാധ്യതയില്ലെന്ന് സൂചന. പ്രാഥമിക പരിശോധനയിൽ വാഹനത്തിൻ്റെ രേഖകളിൽ സംശയമുണ്ടെന്ന് കസ്റ്റംസ് പറയുന്നു. നടൻ സമർപ്പിച്ച അപേക്ഷയിൽ പരിശോധന തുടരുകയാണ്, ആവശ്യമെങ്കിൽ അദ്ദേഹത്തെ നേരിട്ട് വിളിപ്പിക്കുമെന്നും കസ്റ്റംസ് അറിയിച്ചു.
ദുൽഖറിൻ്റെ വാഹനം വിട്ടുനൽകുന്ന കാര്യം പരിഗണിക്കണമെന്ന് ഹൈക്കോടതി നേരത്തെ നിർദേശിച്ചിരുന്നു. ഉപാധികളോടെയാണ് വാഹനം വിട്ടുനൽകാൻ പരിഗണിക്കണമെന്നായിരുന്നു കോടതി നിർദേശം. ദുൽഖറിൻ്റെ ആവശ്യം കസ്റ്റംസിൻ്റെ ജോയിൻ്റ് കമ്മീഷണർ പരിഗണിക്കണം. അതോടൊപ്പം അന്വേഷണസംഘത്തിൻ്റെ വാദങ്ങൾ പരിഗണിച്ച് അഡ്ജുഡിക്കേറ്റിങ് അതോറിറ്റി തീരുമാനമെടുക്കണം. ആവശ്യം തള്ളിയാൽ കാരണം സഹിതം കസ്റ്റംസ് ഉത്തരവിറക്കണമെന്നും ഹൈക്കോടതി നിർദേശിച്ചിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.