മുംബൈയില് ശക്തമായ പൊടിക്കാറ്റിനിടെ കൂറ്റന് പരസ്യ ബോര്ഡ് തകര്ന്ന് വീണ് എട്ടുപേര് മരിച്ചു. ഈസ്റ്റേണ് എക്സ്പ്രസ് ഹൈവേയ്ക്ക് സമീപം ഘഡ്കോപാറിലെ പൊലീസ് ഗ്രൗണ്ട് പെട്രോള് പമ്പിന് അടുത്തുള്ള ബോര്ഡാണ് തകര്ന്നു വീണത്. എട്ടുപേര് മരിക്കുകയും 59 പേര്ക്ക് പരുക്കേല്ക്കുകയും ചെയ്തതായി പൊലീസ് അറിയിച്ചു.
പമ്പിന്റെ എതിര്വശത്തായിരുന്നു ബോര്ഡ് ഉണ്ടായിരുന്നത്. എന്നാല് പമ്പിന്റെ മധ്യ ഭാഗത്തേക്കാണ് ബോര്ഡ് തകര്ന്നു വീണത്. അപകടത്തെ തുടർന്ന് നിരവധി വാഹനങ്ങൾ കുടുങ്ങി. ദേശീയ ദുരന്ത നിവാരണ സേനയുടെ (എൻഡിആർഎഫ്) നേതൃത്വത്തില് രക്ഷാപ്രവര്ത്തനം നടത്തി. സംഭവത്തില് അന്വേഷണം നടത്താന് നിര്ദേശം നല്കിയതായി ഉപമുഖ്യമന്ത്രി ദേവേന്ദ്ര ഫട്നാവിസ് അറിയിച്ചു.
ഇന്ന് വൈകിട്ട് മൂന്നരയോടെയാണ് മുംബൈ നഗരം പൊടിക്കാറ്റില് മുങ്ങിയത്. പൊടിക്കാറ്റിനെ തുടര്ന്ന് നഗരത്തിന്റെ പല ഭാഗത്തും വിമാന, ട്രെയിന്, മെട്രോ സര്വീസുകളും തടസപ്പെട്ടിട്ടുണ്ട്. നിരവധി മേഖലകളില് വൈദ്യുതി വിതരണവും നിലച്ചു.
English Summary: Dust storm in Mumbai; 8 dead after huge billboard collapses
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.