എഎപി കൺവീനറും ഡൽഹി മുഖ്യമന്ത്രിയുമായ അരവിന്ദ് കെജ്രിവാളിനെതിരെ കോടതിയെ സമീപിച്ച് എൻഫഴ്സ്മെന്റ് ഡയറക്ടറേറ്റ്. ഡൽഹി റോസ് അവന്യു കോടതിയിലാണ് ഇഡി പരാതി നൽകിയത്. മദ്യനയക്കേസിൽ അഞ്ച് തവണ സമൻസ് അയച്ചിട്ടും കെജ്‌രിവാൾ ഹാജരായില്ലെന്നാണ് പരാതി. പരാതിയിൽ ഏഴിന് കോടതി വാദം കേൾക്കും.
അതേസമയം എഎപി എംഎൽഎമാരെ വിലക്കുവാങ്ങാൻ ബിജെപി ശ്രമിക്കുന്നുവെന്ന കെജ്രിവാളിന്റെ പരാതിയിൽ ക്രൈംബ്രാഞ്ച് വിഭാഗം വീണ്ടും അദ്ദേഹത്തിന്റെ വീട്ടിലെത്തി. കേസില്‍ നോട്ടീസ് നല്‍കുന്നതിനാണ് ഡല്‍ഹി ക്രൈംബ്രാഞ്ച് കെജ്രിവാളിന്റെ വീട്ടിലെത്തിയത്. കെജ്രിവാളിന്റെ ആരോപണത്തിനെതിരെ ഡല്‍ഹി ബിജെപി നേതൃത്വം പൊലീസ് കമ്മിഷണര്‍ സഞ്ജയ് അറോറയ്ക്ക് പരാതി നല്‍കിയിരുന്നു.
കഴിഞ്ഞ ദിവസവും ഡല്‍ഹി ക്രൈംബ്രാഞ്ച് കെജ്രിവാളിന്റെ വീട്ടിലെത്തിയിരുന്നു. എന്നാല്‍ നോട്ടീസ് ഔദ്യോഗികമായി കൈപ്പറ്റാന്‍ വീട്ടിലുണ്ടായിരുന്ന ജീവനക്കാര്‍ തയ്യാറായിരുന്നില്ല. എഎപി നേതാവും മന്ത്രിയുമായ അതിഷിയുടെ വീട്ടിലും നോട്ടീസ് നല്‍കുന്നതിനായി ക്രൈംബ്രാഞ്ച് എത്തിയിരുന്നു. എന്നാല്‍ അതിഷി വീട്ടില്‍ ഇല്ലാത്തതിനാല്‍ നോട്ടീസ് നല്‍കാന്‍ സാധിച്ചിരുന്നില്ല.
English Summary:ED against Kejriwal in court
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.