ജമ്മു കശ്മീര്‍ ക്രിക്കറ്റ് അസോസിയേഷനുമായി (ജെകെസിഎ) ബന്ധപ്പെട്ട കള്ളപ്പണം വെളുപ്പിക്കല്‍ കേസില്‍ എൻഫോഴ്‌സ്‌മെന്റ് ഡയറക്ടറേറ്റ് (ഇഡി) കുറ്റപത്രം സമർപ്പിച്ചു.
കള്ളപ്പണം വെളുപ്പിക്കൽ കേസിൽ പ്രതികളായ ഫാറൂഖ് അബ്ദുള്ള ഉൾപ്പെടെയുള്ളവരോട് ഓഗസ്റ്റ് 27ന് ശ്രീനഗറിലെ പ്രത്യേക പിഎംഎൽഎ കോടതിയിൽ ഹാജരാകാൻ നോട്ടീസ് നല്‍കിയിട്ടുണ്ട്.
2001 മുതൽ 2012 വരെ ഫാറൂഖ് അബ്ദുള്ള ജെകെസിഎ പ്രസിഡന്റായിരുന്നപ്പോൾ ജമ്മു കശ്മീർ സാമ്പത്തിക ക്രമക്കേടുകൾ നടന്നുവെന്ന കേസിലാണ് ഇഡി അന്വേഷണം നടക്കുന്നത്. ഫറൂഖ് അബ്ദുള്ള, അഹ്‌സൻ അഹമ്മദ് മിർസ, മിർ മൻസൂർ ഗസൻഫർ എന്നിവർക്കെതിരെയാണ് കേസ്.
ഫാറൂഖ് അബ്ദുള്ള ഉൾപ്പെടെയുള്ളവരുടെ 21.55 കോടി രൂപയുടെ സ്വത്തുക്കൾ ഇഡി കണ്ടുകെട്ടിയിരുന്നു. ജെകെസിഎയുടെ ഭാരവാഹികൾക്കെതിരെ 2018 ജൂലൈ 11ന് സിബിഐ സമർപ്പിച്ച കുറ്റപത്രത്തിന്റെ അടിസ്ഥാനത്തിലാണ് ഇഡി അന്വേഷണം ആരംഭിച്ചത്.
English summary;ED files chargesheet against Farooq Abdullah in cricket scam case
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.