ട്വിറ്ററുമായുള്ള കരാര്‍ താല്‍ക്കാലികമായി നിര്‍ത്തിവച്ചെന്ന് ഇലോണ്‍ മസ്ക്. വ്യാജ അക്കൗണ്ടുകളെ സംബന്ധിച്ച കണക്കുകളുടെ വിശദാംശങ്ങള്‍ തീര്‍പ്പാകാത്തതിനെ തുടര്‍ന്നാണ് നടപടി. മസ്കിന്റെ അറിയിപ്പിന് പിന്നാലെ പ്രീമാര്‍ക്കറ്റിങ് ട്രേഡിങ്ങില്‍ കമ്പനിയുടെ ഓഹരി 20 ശതമാനം ഇടിഞ്ഞു.
ഉപയോക്താക്കളില്‍ അഞ്ച് ശതമാനം വ്യാജ/ സ്പാം അക്കൗണ്ടുകളാണെന്ന കണക്കുകള്‍ കമ്പനി ഈ മാസം ആദ്യം പുറത്തുവിട്ടിരുന്നു. വ്യാജ അക്കൗണ്ടുകളെ സംബന്ധിച്ച് ഏകദേശ കണക്കുകള്‍ മാത്രമാണെന്നും യഥാര്‍ത്ഥ സംഖ്യ ഇതിലും ഉയര്‍ന്നതാകാമെന്നും ട്വിറ്റര്‍ തന്നെ വെളിപ്പെടുത്തിയ സാഹചര്യത്തിലാണ് കണക്കുകള്‍ പരിശോധിക്കണമെന്ന് മസ്ക് ആവശ്യപ്പെട്ടത്.
ഉപഭോക്തൃ വിവരങ്ങളില്‍ സമീപകാലത്ത് ട്വിറ്റര്‍ പുറത്തുവിട്ട കണക്കുകളില്‍ കാര്യമായ പിഴവുണ്ടായിരുന്നതായും റിപ്പോര്ട്ടുകളുണ്ട്. മൂന്നു വര്‍ഷത്തോളമായി, പ്രതിദിന ഉപഭോക്താക്കളുടെ എണ്ണം യഥാര്‍ത്ഥ സംഖ്യയെക്കാള്‍ കൂടുതലായാണ് കണക്കാക്കിയതെന്ന് ട്വിറ്റര്‍ തന്നെ വെളിപ്പെടുത്തിയിരുന്നു. ഇത്തരത്തില്‍ 1.9 ദശലക്ഷം അധിക ഉപഭോക്താക്കളാണ് ട്വിറ്ററിനുണ്ടായിരുന്നത്.
English Summary: Elon Musk says Twitter deal has been suspended
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.