ഹേമാ കമ്മിറ്റി റിപ്പോർട്ടിലൂടെ പുറത്ത് വന്നിരിക്കുന്ന സിനിമാ മേഖലയിലെ സ്ത്രീകൾ നേരിടുന്ന പ്രശ്നങ്ങൾ അങ്ങേയറ്റം ഗൗരവമാണെന്നും കമ്മിറ്റി റിപ്പോർട്ടിൻ്റെ വെളിച്ചത്തിൽ സിനിമാ മേഖലയിലുൾപ്പെടെ സ്ത്രീ സുരക്ഷ ഉറപ്പ് വരുത്താൻ ശക്തമായ നടപടികൾ സ്വീകരിക്കണമെന്നും എ ഐ ടി യു സി സംസ്ഥാന നേതൃ യോഗം പ്രമേയത്തിലൂടെ ആവശ്യപ്പെട്ടു. കേരളത്തിലെ സിനിമാ വ്യവസായം വലിയ തോതിൽ സാമ്പത്തിക നിക്ഷേപമുള്ളതും ആയിരക്കണക്കിനാളുകൾ ജോലിയെടുക്കുന്ന ഇടമായിട്ടും സ്ത്രീകൾക്ക് പ്രാഥമിക ആവശ്യങ്ങൾക്കുള്ള സൗകര്യങ്ങളും സുരക്ഷിതമായ താമസ സൗകര്യവും നിഷേധിക്കുന്നത് ഒരിക്കലും ന്യായീകരിക്കാവുന്നതല്ല.
ഈ റിപ്പോർട്ടിൻ്റെ അടിസ്ഥാനത്തിൽ തൊഴിലിടങ്ങളിൽ സ്ത്രീ തൊഴിലാളികൾക്കും എല്ലാ ജീവനക്കാർക്കും സുരക്ഷിതമായി ജോലി ചെയ്യാൻ ആവശ്യമായ നടപടികൾ സ്വീകരിക്കണം. കമ്മിറ്റി റിപ്പോർട്ടിൻ്റെ ശുപാർശയുടെ അടിസ്ഥാനത്തിൽ നിയമനടപടികൾ സ്വീകരിക്കണമെന്നും എ ഐ ടി യു സി ആവശ്യപ്പെട്ടു. യോഗത്തിൽ പ്രസിഡൻ്റ് ടി ജെ ആഞ്ചലോസ് അധ്യക്ഷനായി. ജനറൽ സെക്രട്ടറി കെ പി രാജേന്ദ്രൻ റിപ്പോർട്ട് അവതരിപ്പിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.