ലോകമെമ്പാടും ആസ്ത്മയെക്കുറിച്ചുള്ള അവബോധം വളര്ത്തുന്നതിനായി ലോകാരോഗ്യ സംഘടനയുടെ സഹകരണ സംഘടനയായ ഗ്ലോബൽ ഇനിഷ്യേറ്റീവ് ഫോർ ആസ്ത്മ (GINA) 2022 മെയ് 2‑ന് ലോക ആസ്ത്മ ദിനമായി ആചരിക്കുന്നു. ‘Asthme care for all’ എന്നതാണ് ഈ വര്ഷത്തെ വിഷയം. ആസ്ത്മ ഭേദമാക്കാന് കഴിയില്ല, പക്ഷേ അത് നിയന്ത്രിക്കാനും കൈകാര്യം ചെയ്യുവാനും കൂടാതെ എക്സസര്ബേഷന്സ് (Exacerbations) എന്നറിയപ്പെടുന്ന ആസ്ത്മ ആക്രമണങ്ങളെ (Asthma attack) പ്രതിരോധിക്കാനും സാധിക്കും.
ആസ്ത്മ പരിചരണത്തിൽ നിരവധി ന്യൂനതകൾ ഉണ്ട്, അത് മറികടക്കുവാനും ആസ്ത്മ ചികിത്സയിലൂടെ ചെലവ് വര്ദ്ധനവിനെതിരെയും ഇടപെടലുകൾ ആവശ്യമാണ്.
നിലവിലുള്ള ന്യൂനതകൾ
· രോഗനിര്ണയത്തിലും ചികിത്സയിലുമുള്ള അസമമായ സമീപനം.
· വ്യത്യസ്ത സാമൂഹിക‑സാമ്പത്തിക വംശീയ, പ്രായ വിഭാഗങ്ങള്ക്കുള്ള പരിചരണത്തിലെ
വിടവുകൾ.
· സമ്പന്നരും ദരിദ്രരുമായ സമൂഹങ്ങൾ തമ്മിലുള്ള വിടവ്.
· പ്രാഥമിക, ദ്വിതീയ, തൃതീയ പരിചരണ ഇന്റര്ഫേസിൽ ഉടനീളം ആശയവിനിമയത്തിലും
പരിചരണത്തിലും വിടവുകൾ.
· ആസ്ത്മയെ പറ്റിയുള്ള അറിവുകൾ നല്കുന്നതിലെ ന്യൂനതകൾ.
· ആരോഗ്യ സംരക്ഷണത്തിലെ അറിവിലും അവബോധത്തിലും ഉള്ള വിടവുകൾ.
· ആസ്ത്മയും മറ്റു ദീര്ഘകാല രോഗങ്ങളും തമ്മിലുള്ള മുന്ഗണനയിലെ വിടവുകൾ.
· ആസ്ത്മയെക്കുറിച്ചുള്ള പൊതു അറിവിലെ വിടവുകൾ.
· ശാസ്ത്രീയ തെളിവുകളിലെ ന്യൂനതകൾ.
ശാസ്ത്രീയ തെളിവുകളെ അടിസ്ഥാനമാക്കിയുള്ള നിര്ദ്ദേശങ്ങൾ നടപ്പിലാക്കുന്നത് ലോകമെമ്പാടും വെല്ലുവിളിയാണ്, കാരണം അവ പ്രാദേശികമായി ബാധകമായേക്കില്ല. അതിനാൽ ഈ വിഷയം ഇന്റര്നാഷണൽ റെസ്പിറേറ്ററി കൂട്ടായ്മകള്ക്ക് ഒരുമിച്ചു പ്രവര്ത്തിക്കാനും ആസ്ത്മ പരിചരണത്തിലെ ന്യൂനതകൾ മറികടക്കുവാനും ഒരു വെല്ലുവിളിയാണ്.
എന്താണ് ആസ്ത്മ?
പാരിസ്ഥിതികമോ ആന്തരികമോ ആയ വിവിധ ഘടകങ്ങൾ മൂലം, പെട്ടെന്ന് അസ്വസ്ഥമാകുന്ന വ്യക്തികളിൽ ശ്വാസനാളത്തിന്റെ സങ്കോചം മൂലം ശ്വാസോച്ഛ്വാസം ബുദ്ധിമുട്ടുണ്ടാക്കുന്ന ഒരു വിട്ടുമാറാത്ത ശ്വാസകോശ സംബന്ധമായ പ്രശ്നമാണ് ആസ്ത്മ.
എന്താണ് ആസ്ത്മയ്ക്ക് കാരണമാകുന്നത്?
ജനിതക ഘടകങ്ങളും പാരിസ്ഥിതിക ഘടകങ്ങളും തമ്മിലുള്ള പരസ്പര ബന്ധമാണ് ആസ്ത്മയ്ക്ക് കാരണം. ജനിതകപരമായി അനുകൂലിക്കുന്ന വ്യക്തികള്ക്ക് മാത്രമേ സാധാരണയായി ആസ്ത്മ ഉണ്ടാകൂ.
ആസ്ത്മയുടെ പ്രേരക ഘടകങ്ങൾ
· പൊടി (പരിസ്ഥിതി)
· വീടിനുള്ളിലെ പൊടി
· വീട്ടിലെ ചെറു പ്രാണികൾ
· പൂമ്പൊടികൾ
· പ്രാണികൾ
· പക്ഷികളുടെ വിസര്ജ്ജനം
· ഫംഗസ്
· പ്രതികൂലമായ തീവ്രമായ താപനില
· ചിരി
· വികാരങ്ങൾ
· വ്യായാമം
· ചില മരുന്നുകൾ
ആസ്ത്മയുടെ ലക്ഷണങ്ങൾ എന്തൊക്കെയാണ്?
· കഷ്ടപ്പെട്ട് ശ്വാസോച്ഛ്വാസം ചെയ്യുക
· നെഞ്ച് ഇറുകുന്ന അവസ്ഥ
· രാത്രിയിൽ ചുമ
· ശ്വാസം മുട്ടൽ
എങ്ങനെയാണ് ആസ്ത്മ രോഗനിര്ണയം നടത്തുന്നത്?
ലക്ഷണങ്ങൾ: സ്പൈറോമെട്രി അല്ലെങ്കിൽ ശ്വാസകോശ പ്രവര്ത്തന പരിശോധനയ്ക്കൊപ്പം ശ്വാസം മുട്ടലിന്റെ സാന്നിധ്യം. ബ്രോങ്കോഡൈലേറ്റർ മരുന്ന് കഴിക്കുന്നതിന് മുമ്പും ശേഷവും നടത്തുന്ന ശ്രമങ്ങളെ ആശ്രയിച്ചുള്ള പരിശോധനയാണ് ശ്വാസകോശ പ്രവര്ത്തന പരിശോധന (PFT). ബ്രോങ്കോഡൈലേറ്ററുകള്ക്ക് ശേഷം നിങ്ങളുടെ ശ്വാസകോശത്തിന്റെ പ്രവര്ത്തനം മെച്ചപ്പെടുകയാണെങ്കിൽ, ആ വ്യക്തിക്ക് ആസ്ത്മ ഉണ്ടാകാനുള്ള സാധ്യത കൂടുതലാണ്.
ആസ്ത്മയ്ക്കുള്ള മറ്റു പരിശോധനകൾ
1. പീക്ക് ഫ്ലോ മീറ്റർ (Peak flow meter)
2. ബ്രോങ്കിയൽ ചലഞ്ച് ടെസ്റ്റ് (Bronchial Challenge Test)
3. അലര്ജി പരിശോധന (Allergy test)
4. ബ്രീത്ത് നൈട്രിക് ഓക്സൈഡ് ടെസ്റ്റ് (Breath Nitric oxide test)
5. കഫത്തിലെ ഇസിനോഫിൽ അളവ് അളക്കുക (Measuring Sputum eosinophil counts)
ആസ്ത്മ ചികിത്സ
ശ്വസിക്കുന്ന മരുന്നുകളിൽ ബ്രോങ്കോഡൈലേറ്ററുകളോ സ്റ്റിറോയിഡുകളോ ആകാം. ആസ്ത്മയ്ക്കുള്ള മരുന്നുകൾ രണ്ടായി തരം തിരിച്ചിരിക്കുന്നു.
1. റെസ്ക്യൂ/റിലീവർ മരുന്നുകൾ — ബ്രോങ്കോഡൈലേറ്ററുകൾ/സ്റ്റിറോയിഡുകൾ അല്ലെങ്കിൽ കോമ്പിനേഷന് എന്നിവ അടങ്ങിയിരിക്കുന്നു.
2. കണ്ട്രോളർ മരുന്നുകൾ — പ്രിവന്റീവ് എന്നും അറിയപ്പെടുന്നു, ഇതിൽ പ്രധാനമായും ബ്രോങ്കോഡൈലേറ്ററുകളും സ്റ്റിറോയിഡുകളും ചേര്ന്നതാണ്.
പുകവലി, ജോലി സമയത്ത് പ്രേരിത ഘടകങ്ങളുമായി സമ്പര്ക്കം പുലര്ത്തുക തുടങ്ങിയവ ഒഴിവാക്കുന്നത് സഹായിക്കും. ബാക്ടീരിയ അണുബാധകൾ മൂലം ആസ്ത്മ ബാധിക്കുമ്പോൾ ഓക്സിജനും ആന്റിബയോട്ടിക്കുകളും ഉള്ള പിന്തുണ നല്കുന്ന പരിചരണം ആവശ്യമാണ്. സാധാരണയായി പകര്ച്ചവ്യാധികൾ പൊട്ടിപ്പുറപ്പെടാനുള്ള കാരണം വൈറൽ അണുബാധകളാണ്, ആന്റിബയോട്ടിക്കുകള് ആവശ്യമില്ല.
ആസ്ത്മയുടെ തീവ്രത തടയുവാന്
· പ്രേരക ഘടകങ്ങളെ ഒഴിവാക്കുക
· പുകവലി ഉപേക്ഷിക്കുക
· നിങ്ങളുടെ ഡോക്ടർ നിര്ദ്ദേശിച്ച പ്രകാരം പതിവായി മരുന്നുകർ കഴിക്കുക
· പ്രതിരോധ കുത്തിവയ്പ്പ് — Flu Vaccine വര്ഷാ വര്ഷം എടുക്കുക.
ഡോ. സോഫിയ സലിം മാലിക്
സീനിയർ കൺസൾട്ടന്റ് പൾമണോളജിസ്റ്റ്
SUT ഹോസ്പിറ്റൽ, പട്ടം
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.