കേന്ദ്ര സർക്കാരിന്റെ വിവിധ മന്ത്രാലയങ്ങളിൽ ഒഴിഞ്ഞു കിടക്കുന്ന മുഴുവൻ ഒഴിവുകളും നികത്തണമെന്ന് എഐടിയുസി ദേശീയ സമ്മേളനം ആവശ്യപ്പെട്ടു. നിലവിൽ 10 ലക്ഷം സിവിലിയൻ തസ്തികകളും കേന്ദ്ര പൊതുമേഖലാ സ്ഥാപനങ്ങളിൽ 5 ലക്ഷത്തിലധികം തസ്തികകളും ഒഴിഞ്ഞു കിടക്കുകയാണ്. തൊഴിലില്ലായ്മ രൂക്ഷമായ സാഹചര്യത്തിൽ 40 ലക്ഷത്തിലധികം തൊഴില്ലാത്തവരാണ് രാജ്യത്തുള്ളത്. കോവിഡിന്റെ ഭാഗമായി ബി ജെപി സർക്കാർ ഏർപ്പെടുത്തിയ ആസൂത്രിതമല്ലാത്ത ലോക്ക്ഡൗണിന് ശേഷം ഈ എണ്ണം വീണ്ടും വർധിച്ചു. മുതലാളിത്ത വ്യവസ്ഥിതി നിലനിൽക്കുന്നത് വലിയൊരു വിഭാഗം തൊഴിലന്വേഷകരെ പ്രതിസന്ധിയിലാക്കി.
രാജ്യത്തിന്റെ തൊഴിൽ അരക്ഷിതാവസ്ഥ സംബന്ധിച്ച് അന്താരാഷ്ട്ര തൊഴിലാളി സംഘടന പുറത്തുവിട്ട റിപ്പോർട്ടുകൾ ഞെട്ടിക്കുന്നതാണ്. രാജ്യത്തെ തൊഴിൽരഹിതരായ യുവാക്കൾക്ക് ജോലി നൽകാനുള്ള ഒരു നയവും ഇപ്പോഴത്തെ സർക്കാരിനില്ല. സർക്കാരിന്റെയും പൊതുമേഖലാ സ്ഥാപനങ്ങളുടെയും സ്വകാര്യവൽക്കരണവും തൊഴിലവസരങ്ങൾ ഔട്ട്സോഴ്സിംഗുമായി ഇപ്പോഴത്തെ സർക്കാർ മുന്നോട്ടുപോകുന്നതിനാൽ ഏറ്റവും കൂടുതൽ ദുരിതമനുഭവിക്കുന്നത് പിന്നാക്കവിഭാഗക്കാരായിരിക്കുമെന്നും പ്രമേയം മുന്നറിയിപ്പ് നൽകുന്നു.
എല്ലാ കേന്ദ്ര ഗവൺമെന്റ് മന്ത്രാലയങ്ങളിലും വകുപ്പുകളിലും വിവിധ കേന്ദ്ര പൊതുമേഖലാ സ്ഥാപനങ്ങളിലും ഒഴിഞ്ഞുകിടക്കുന്ന എല്ലാ തസ്തികകളും നികത്താൻ ഉചിതമായ നടപടികൾ ഉടനടി സ്വീകരിക്കണമെന്നും എല്ലാ കേന്ദ്രങ്ങളുമായി കൂടിയാലോചിച്ച് ദേശീയ തൊഴിലുറപ്പ് നയം രൂപീകരിക്കണമെന്നും എഐടിയുസി കേന്ദ്ര ഗവൺമെന്റിനോട് ആവശ്യപ്പെട്ടു. നമ്മുടെ രാജ്യത്തെ തൊഴിലില്ലായ്മ പ്രതിസന്ധി മറികടക്കാൻ സായുധ സേനയിലെ അഗ്നിബത്ത്, അഗ്നിവീർ പദ്ധതികൾ പിൻവലിക്കണമെന്നും മുൻകാലങ്ങളിലേതുപോലെ സായുധ സേനയിൽ നിയമനം ക്രമമായി ആരംഭിക്കണമെന്നും എഐടിയുസി ആവശ്യപ്പെട്ടു.
English Summary: Fill vacancies in Central govt. departments: AITUC
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.