വടക്കൻ ഇറാഖിൽ ഒരു വിവാഹച്ചടങ്ങിനിടെ തീപിടിത്തമുണ്ടായി 100ലേറെ പേർ മരിക്കുകയും 150 പേർക്ക് പരിക്കേൽക്കുകയും ചെയ്തു. ഇറാഖിലെ വടക്കൻ നിനെവേ പ്രവിശ്യയിലെ അൽഹംദാനിയയിൽ ചൊവ്വാഴ്ച വൈകുന്നേരത്തോടെയാണ് തീപിടിത്തമുണ്ടായത്. നൂറുകണക്കിന് ആളുകൾ ചടങ്ങില് പങ്കെടുക്കാനെത്തിയിരുന്നു.
വിവാഹചടങ്ങിനോടനുബന്ധിച്ച് പടക്കം പൊട്ടിച്ചിരുന്നു. ഇതിനുപിന്നാലെയാണ് അപകടമുണ്ടായത്. അതേസമയം ഇത് തന്നെയാണോ അപകടത്തിന് കാരണമെന്ന് സ്ഥിരീകരിച്ചിട്ടില്ലെന്നും അധികൃതര് അറിയിച്ചു. പ്രാദേശിക സമയം 10:45 ഓടെയാണ് കെട്ടിടത്തിന് തീപിടിച്ചതെന്നാണ് റിപ്പോര്ട്ടുകള്. ഈ സമയം നൂറുകണക്കിന് ആളുകൾ അവിടെ ചടങ്ങിനെത്തിയത്തിയിരുന്നു.
പരിക്കേറ്റവരെ നിനവേ മേഖലയിലുടനീളമുള്ള ആശുപത്രികളിലേക്ക് മാറ്റിയതായി മേഖലാ ഗവർണർ ഐഎൻഎയോട് പറഞ്ഞു. എന്നാൽ മരണങ്ങളുടെയും പരിക്കുകളുടെയും എണ്ണം നിശ്ചയിച്ചിട്ടില്ലെന്നും ഇത് ഉയർന്നേക്കാമെന്നും അദ്ദേഹം അഭിപ്രായപ്പെട്ടു.
English Summary: Fire during wedding ceremony: More than 100 people including bride and groom were burnt to death
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.