മുൻമന്ത്രി വി എസ് സുനിൽകുമാറും കുടുംബവും മനസ്സുനിറഞ്ഞ് കഴിച്ചു 20 രൂപയുടെ കരുതലിന്റെ ഉച്ചയൂണ്. തിരുവനന്തപുരത്ത് നിന്ന് തൃശൂരിലേയ്ക്ക് പോകും വഴി ആലപ്പുഴ ശവക്കോട്ടപ്പാലത്തിന് സമീപത്തെ ജനകീയ ഹോട്ടലിൽ നിന്നായിരുന്നു സുഭിക്ഷമായ ഇവരുടെ ഉച്ചഭക്ഷണം. ഭാര്യ രേഖയും നഗരസഭ വൈസ് ചെയർമാൻ പി എസ് എം ഹുസൈനും കൗൺസിലർ കെ എസ് ജയനും ഡ്രൈവർ സഞ്ജുവും ഉൾപ്പെടെ അഞ്ച് പേരാണ് ഭക്ഷണം കഴിച്ചത്.
വിഭവസമൃദ്ധവും രുചികരവുമായ ഭക്ഷണമാണ് കുടുംബശ്രീ സഹോദരിമാർ ഒരുക്കിയതെന്ന് വി എസ് സുനിൽകുമാർ പറഞ്ഞു. ഒട്ടേറെ വിഭവങ്ങളടങ്ങിയ സ്നേഹം നിറഞ്ഞ ഭക്ഷണം. കഴിഞ്ഞ എൽ ഡി എഫ് സർക്കാർ വിശപ്പ് രഹിത കേരളം പദ്ധതിയുടെ ഭാഗമായി കേരളത്തിലുടനീളം ഭക്ഷ്യ‑സിവിൽ സപ്ലൈസ് വകുപ്പിന്റേയും കുടുംബശ്രീ സംവിധാനത്തിന്റേയും നേതൃത്വത്തിൽ ആരംഭിച്ച ജനകീയ ഹോട്ടൽ ആശ്വാസമാകുന്നത് നിരവധിപേർക്കാണ്.
ഈ പദ്ധതിയെ അപഹസിക്കുന്നവരോട് ഒന്നും പറയാനില്ലെന്നും സുനിൽകുമാർ പറഞ്ഞു. ഊണ് കഴിച്ചിറങ്ങുമ്പോൾ ഹോട്ടൽ നടത്തിപ്പുകാരായ കുടുംബശ്രീ പ്രവർത്തകർക്കൊപ്പം ഫോട്ടോയും എടുത്താണ് വി എസ് സുനിൽകുമാറും കുടുംബവും മടങ്ങിയത്.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.