പിഎൻസി മേനോനും ശോഭ മേനോനും ചേർന്ന് സ്ഥാപിച്ച ശ്രീ കുറുംബ വിദ്യാഭ്യാസ ചാരിറ്റബിൾ ട്രസ്റ്റ് ഗൃഹ ശോഭ 2025 സംരംഭത്തിന്റെ ഭാഗമായി ജില്ലയിലെ സ്ത്രീകൾ നയിക്കുന്ന കുടുംബങ്ങൾക്കായുള്ള 120 വീടുകളുടെ തറ കല്ലിടൽ കർമ്മം നിർവഹിച്ചു. റവന്യൂ, ഭവന വകുപ്പ് മന്ത്രി കെ രാജൻ, ഉന്നത വിദ്യാഭ്യാസ, സാമൂഹിക നീതി വകുപ്പ് മന്ത്രി ഡോ. ആർ ബിന്ദു, ആലത്തൂർ എംഎൽഎ കെ ഡി പ്രസേനൻ, തരൂർ എംഎൽഎ, പി പി സുമോദ് തുടങ്ങിയ പ്രമുഖരുടെ സാന്നിധ്യത്തിലായിരുന്നു ചടങ്ങ്. സൗജന്യമായി 1,000 വീടുകൾ നൽകുക എന്ന ലക്ഷ്യത്തോടെയുള്ള ഈ സംരംഭം, സാമ്പത്തികമായി പിന്നാക്കം നിൽക്കുന്നവർക്ക് ഭവനങ്ങൾ ലഭ്യമാക്കുന്നതിനുള്ള ഒരു ചുവടുവയ്പ്പാണ്. ട്രസ്റ്റ് ഇതിനകം അർഹരായ 230 കുടുംബങ്ങൾക്ക് വീടുകൾ നിർമിച്ചു നൽകി. ഗൃഹ ശോഭ എന്നത് വെറുമൊരു സംരംഭം മാത്രമല്ല. സുരക്ഷിതവും മാന്യവുമായ ഭവനം ലഭ്യമാക്കുന്നതിലൂടെ ജീവിതങ്ങളെ പരിവർത്തനം ചെയ്യുന്നതിനുള്ള പ്രതിബദ്ധതയാണ്. സ്ത്രീകൾ നയിക്കുന്ന കുടുംബങ്ങൾക്ക് സുരക്ഷിതമായ ഒരു വീട് സ്ഥിരതയുടെയും ശാക്തീകരണത്തിന്റെയും അവസരത്തിന്റെയും ആധാരശിലയാണെന്ന് ശോഭ ഗ്രൂപ്പിന്റെ സ്ഥാപകനും ശ്രീ കുറുംബ വിദ്യാഭ്യാസ, ചാരിറ്റബിൾ ട്രസ്റ്റിനു പിന്നിലെ ചാലകശക്തി കൂടിയായ പിഎൻസി മേനോൻ പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.