September 28, 2022 Wednesday

Related news

January 23, 2022
January 19, 2022
August 12, 2021
April 24, 2021
December 30, 2020
February 15, 2020

നൃത്തംചെയ്തതിന് പ്രതിശ്രുത വരന്‍ കരണത്തടിച്ചു; അടുത്തദിവസം യുവതി മറ്റൊരാളെ വിവാഹം കഴിച്ചു

Janayugom Webdesk
ചെന്നൈ
January 23, 2022 5:55 pm

വിവാഹത്തലേന്ന്​ നടന്ന സല്‍ക്കാരച്ചടങ്ങില്‍ സംഘടിപ്പിച്ച ഡി.ജെ പാര്‍ട്ടിയില്‍ നൃത്തം ചെയ്തതിന്​ കരണത്തടിച്ച പ്രതിശ്രുത വരനെ ഉപേക്ഷിച്ച്‌​ അടുത്ത ദിവസം യുവതി ബന്ധുവായ യുവാവിനെ വിവാഹം കഴിച്ചു.

കടലൂര്‍ ജില്ലയിലെ പന്‍രുട്ടിയിലാണ്​ കേസിനാസ്പദ സംഭവം നടന്നത്​. ചെന്നൈയിലെ സ്വകാര്യ സ്ഥാപനത്തിലെ എന്‍ജിനീയറായ പെരിയക്കാട്ടുപാളയം സ്വദേശിയായ യുവാവും പന്‍രുട്ടി സ്വദേശിനിയായ യുവതിയും തമ്മിലെ വിവാഹമാണ്​ അപ്രതീക്ഷിതമായ സംഭവത്തോടെ അലസിപ്പിരിഞ്ഞത്​. പന്‍രുട്ടിയില്‍ വിവാഹ സല്‍ക്കാരവും അടുത്ത ദിവസം രാവിലെ കടമ്ബുലിയൂരില്‍ താലികെട്ടും നടത്താനാണ്​ ഇരുവീട്ടുകാരും തീരുമാനിച്ചിരുന്നത്​. എന്നാല്‍ വിവാഹ സല്‍ക്കാരച്ചടങ്ങിനോടനുബന്ധിച്ച്‌​ നടന്ന ഡി.ജെ പാര്‍ട്ടിയില്‍ ബന്ധുവായ യുവാവ്​ വധുവി​ന്‍റെ തോളില്‍ കൈയിട്ട്​ നൃത്തം ചെയ്തതാണ്​ പ്രതിശ്രുത വരന്‍ കുപിതനായത് . 

പ്രകോപിതനായി വരന്‍ വധുനിന്റെ കരണത്തടിക്കുകയായിരുന്നു. ഇതോടെ വധു- വരന്‍മാരുടെ വീട്ടുകാര്‍ തമ്മില്‍ വാക്ക്തര്‍ക്കവും ബഹളവുമായി . തുടര്‍ന്ന്​ അടുത്തദിവസം രാവിലെ വധുവി​ന്റെ വീട്ടുകാര്‍ ബന്ധുവായ യുവാവിനെക്കൊണ്ട്​ പെണ്‍കുട്ടിയെ വിവാഹം കഴിപ്പിക്കുകയായിരുന്നു. വിവാഹത്തിന്​ ഏഴ്​ ലക്ഷം രൂപ ചെലവഴിച്ചതായും ​നഷ്ട​പരിഹാരം ആവശ്യപ്പെട്ട്​ വര‍​ന്റെ കുടുംബാംഗങ്ങള്‍ പന്‍രുട്ടി പൊലീസില്‍ പരാതി നല്‍കി. വധുവി​ന്‍റെ കരണത്തടിച്ച യുവാവിനെതിരെയും പൊലീസില്‍ പരാതിയുണ്ട്.
eng­lish sum­ma­ry; groom slaps bride for danc­ing in DJ Par­ty ‚next day the young woman mar­ried some­one else
You may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.