കോഴിക്കോട് കോർപറേഷൻ കല്ലായി ഡിവിഷനിലെ യുഡിഎഫ് സ്ഥാനാർത്ഥി സംവിധായകൻ വി എം വിനുവിന് തദ്ദേശ തെരഞ്ഞെടുപ്പിൽ മത്സരിക്കാനാകില്ല. സ്ഥാനാര്ത്ഥിയായിരുന്ന വി എം വിനുവിന്റെ ഹർജി ഹൈക്കോടതി തള്ളി. വോട്ടർ പട്ടികയിൽ നിന്ന് പേരു നീക്കം ചെയ്തുവെന്ന് കാട്ടി നല്കിയ ഹർജിയാണ് ജസ്റ്റിസ് പി വി കുഞ്ഞികൃഷ്ണൻ തള്ളിയത്. സെലിബ്രറ്റികൾ പത്രം വായിക്കാറില്ലേയെന്നും അവർക്ക് യാതൊരു പ്രത്യേകതയുമില്ലെന്നും വിഷയത്തില് ഇടപെടാനാകില്ലെന്നും കോടതി വ്യക്തമാക്കി.
വോട്ടർ പട്ടികയിൽ പേരുണ്ടോ എന്നു പോലും നോക്കാതെയാണോ തെരഞ്ഞെടുപ്പിൽ മത്സരിക്കാനിറങ്ങിയത് എന്നും കോടതി ചോദിച്ചു. 2020ലെ വോട്ടര്പട്ടികയിലും വിനുവിന്റെ പേരില്ലായിരുന്നു. അതിനാല് വിഷയത്തില് ഇടപെടാനാകില്ലെന്നും കോടതി വ്യക്തമാക്കി. താന് മേയര് സ്ഥാനാർത്ഥിയാണെന്നും ജയിക്കുമെന്ന് കണ്ട് ഭരിക്കുന്ന പാര്ട്ടി പേര് വെട്ടിയതാണെന്നുമാണ് വി എം വിനു കോടതിയില് വാദിച്ചത്. എന്നാല്, വോട്ടര്പട്ടികയില് പേരുണ്ടോ ഇല്ലയോ എന്ന് നോക്കാതെയാണോ തെരഞ്ഞെടുപ്പില് മത്സരിക്കാനിരിക്കുന്നതെന്നും ഇതൊക്കെ ശ്രദ്ധിക്കേണ്ടെയെന്നും കോടതി ചോദിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.