ആലപ്പുഴ അർത്തുങ്കലിൽ അക്രമി സംഘം ബാർ അടിച്ചു തകർത്തു. ആയുധങ്ങളുമായെത്തിയ മൂന്നംഗ സംഘമാണ് ബാർ അടിച്ചു തകർത്തത്.ബാറിൽ കയറിയ അക്രമി സംഘം മദ്യക്കുപ്പികളും മറ്റ് വസ്തുക്കളും അടിച്ചു തകർത്തു.മദ്യക്കുപ്പികൾ കൊണ്ടുപോവുകയും ചെയ്തു. ഇന്നലെ രാത്രിയായിരുന്നു സംഭവം. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നു.
വടിവാൾ അടക്കമുള്ള ആയുധങ്ങളുമായി മൂന്നംഗ സംഘം ബാറിൽ അതിക്രമിച്ച് കയറുന്നതും കസേരകളും മദ്യക്കുപ്പികളുമടക്കം തകർക്കുന്നതും വീഡിയോ ദൃശ്യങ്ങളിലുണ്ട്. ബാറിലുണ്ടായിരുന്നവരെ ഭീഷണിപ്പെടുത്തി ഓടിക്കുന്നതും വീഡിയോയിൽ കാണാം. ബാറിനു പുറത്തിറങ്ങിയ സംഘം പുറത്തുള്ള ബോർഡും നശിപ്പിച്ച ശേഷമാണ് ഇരുചക്രവാഹനത്തിൽ കടന്നത്. ഒരാഴ്ച മുമ്പ് ബാറിലെത്തി ജീവനക്കാരുമായി തർക്കമുണ്ടാക്കിയവരാണ് ആക്രമണം നടത്തിയതെന്നാണ് വിവരം. ഒരാൾ പൊലീസ് കസ്റ്റഡിയിലായിട്ടുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.