പഹല്ഗാം ഭീകരാക്രമണത്തില് തിരിച്ചടിച്ച് ഇന്ത്യന് സൈന്യം. കശ്മീരില് സുരക്ഷാ സേനയും ഭീകരരും തമ്മില് ഏറ്റുമുട്ടലെന്ന് റിപ്പോര്ട്ട്. ഏറ്റുമുട്ടല് നടക്കുന്ന സ്ഥലം സുരക്ഷാസേന പുറത്തുവിട്ടിട്ടില്ല. പഹല്ഗാമിലെ ഭീകരര് തന്നെയാണോ എന്നതില് വ്യക്തതവന്നിട്ടില്ല. കഴിഞ്ഞദിവസം കുല്ഗാം വനേമേഖലയില് വെച്ച് ഭീകരരും സൈന്യവും തമ്മിൽ വെടിവെപ്പുണ്ടായിരുന്നു. ഇവിടെ നിന്ന് രക്ഷപ്പെടുന്നതിനിടെ സൈന്യത്തിന് നേരെ ഭീകരര് വെടിവെക്കുകയായിരുന്നു.
തുടര്ന്ന് സൈന്യം തിരിച്ചടിച്ചു. കഴിഞ്ഞ അഞ്ച് ദിവസത്തിനിടെ നാലിടങ്ങളില് സൈന്യം ഭീകരര്ക്ക് സമീപത്തെത്തിയതായും റിപ്പോര്ട്ടുകള് പുറത്തുവന്നിരുന്നു. ഭീകരര് നിലവില് ദക്ഷിണ കശ്മീരില് തന്നെയുണ്ട് എന്നാണ് സുരക്ഷാ ഏജന്സികളുടെ അനുമാനം. ഭീകരര്ക്കായി വ്യാപകമായ തിരച്ചിലാണ് കശ്മീര് താഴ്വരയില് നടക്കുന്നത്. സൈന്യവും സിആര്പിഎഫും ജമ്മുകശ്മീര് പൊലീസും സംയുക്തമായാണ് തിരച്ചില് നടത്തുന്നത്. കഴിഞ്ഞ അഞ്ച് ദിവസങ്ങള്ക്കിടെ നാല് വ്യത്യസ്ത സ്ഥലങ്ങളില് വെച്ച് ഇവരെ കണ്ടെത്താന് സുരക്ഷാ ഏജന്സികള്ക്ക് സാധിച്ചിരുന്നു
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.