അമേരിക്കയിലെ കാലിഫോർണിയ സംസ്ഥാനത്തുള്ള സാൻ കാർലോസ് നഗരത്തിന്റെ പുതിയ മേയറായി ഇന്ത്യൻ വംശജയായ പ്രണിത വെങ്കിടേഷ് തിരഞ്ഞെടുക്കപ്പെട്ടു. സിറ്റി കൗൺസിലിന്റെ ഏകകണ്ഠമായ പിന്തുണയോടെ ഡിസംബർ എട്ടിനാണ് പ്രണിത ചുമതലയേറ്റത്. നഗരത്തിന്റെ ചരിത്രത്തിലെ ഏറ്റവും പ്രായം കുറഞ്ഞ മേയർമാരിൽ ഒരാളെന്ന നേട്ടവും ഇതോടെ പ്രണിതയ്ക്ക് സ്വന്തമായി.
ഫിജിയിൽ ജനിച്ച ഇന്ത്യൻ വംശജയായ പ്രണിത തന്റെ നാലാം വയസ്സിലാണ് മാതാപിതാക്കൾക്കൊപ്പം അമേരിക്കയിലേക്ക് കുടിയേറിയത്. ക്ലിനിക്കൽ സൈക്കോളജിയിൽ ബിരുദാനന്തര ബിരുദമുള്ള ഇവർ പൊതുരംഗത്ത് സജീവമാകുന്നതിന് മുൻപ് ചൈൽഡ് സൈക്കോളജിസ്റ്റായി സേവനമനുഷ്ഠിച്ചിട്ടുണ്ട്. നിലവിൽ സാൻ കാർലോസിൽ ഒരു ചെറുകിട ബിസിനസ് ഉടമ കൂടിയാണ് ഇവർ.
2022ൽ ഡെമോക്രാറ്റിക് പാർട്ടിയുടെ പിന്തുണയോടെയാണ് പ്രണിത ആദ്യമായി സാൻ കാർലോസ് സിറ്റി കൗൺസിലിലേക്ക് തിരഞ്ഞെടുക്കപ്പെട്ടത്. പൊതുസുരക്ഷ, ശിശു സംരക്ഷണം, സാമ്പത്തിക സ്ഥിരത, അടിസ്ഥാന സൗകര്യ വികസനം എന്നിവയ്ക്കായിരിക്കും തന്റെ ഭരണകാലയളവിൽ മുൻഗണന നൽകുന്നതെന്ന് മേയറായി ചുമതലയേറ്റ ശേഷം അവർ വ്യക്തമാക്കി.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.