ഐപിഎല്‍ 15-ാം സീസണില്‍ സ്പോണ്‍സര്‍ഷിപ്പിലൂടെ ബിസിസിഐയുടെ വരുമാനം 1000 കോടിക്ക് മുകളില്‍ ലഭിക്കുമെന്ന് റിപ്പോര്‍ട്ട്. കളികളുടെ ബ്രോഡ്കാസ്റ്റിങ് അവകാശം വിറ്റ് ലഭിക്കുന്ന തുകയ്ക്ക് പുറമേയാണ് ഇത്ര വലിയ സംഖ്യ ബിസിസിഐക്ക് ലഭിക്കുന്നത്. 2008ല്‍ ഐപിഎല്‍ ആരംഭിച്ചതിന് ശേഷം ഇതാദ്യമായിട്ടാണ് ബിസിസിഐക്ക് ഇത്രയും വലിയ തുക സ്പോണ്‍സര്‍ഷിപ്പിലൂടെ ലഭിക്കുന്നത്.
രണ്ട് വഴികളിലൂടെയാണ് ഇത്തവണ ബിസിസിഐക്ക് നേട്ടം. ഒന്ന് സ്വിഗ്ഗി, റുപെ എന്നീ കമ്പനികളുമായുള്ള ഇടപാടില്‍ ഈ വര്‍ഷം 48–50 കോടി ബിസിസിഐക്ക് ലഭിക്കും. ടൈറ്റില്‍ സ്പണ്‍സര്‍ഷിപ്പ് ഡീലില്‍ നിന്നാണ് ബിസിസിഐയുടെ രണ്ടാമത്തെ നേട്ടം. ടാറ്റ ഗ്രൂപ്പ് 335 കോടി ബിസിസിഐക്ക് നല്‍കും. ഇത് വിവോ നല്‍കിയതിനേക്കാള്‍ കുറവാണ്. എന്നിട്ടും ബിസിസിഐക്ക് ഏകദേശം 30–40 ശതമാനം കൂടുതല്‍ വരുമാനം ഇതുവഴി ലഭിക്കും. മുഖ്യ സ്പോണ്‍സര്‍ഷിപ്പില്‍ ഇത്രയേറെ തുകയുടെ കുറവ് വന്നിട്ടും അത് മറികടക്കാന്‍ ബിസിസിഐക്ക് സാധിച്ചത് ഇത്തവണ സ്പോണ്‍സര്‍മാരുടെ എണ്ണത്തില്‍ ഉണ്ടായ വര്‍ധനവാണ്.
English Summary:Ipl2022 latest updation
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.