നിന്റെ കുഞ്ഞുങ്ങളോട്
നിനക്ക് കഥപറയാനും
കടങ്കഥ പറയാനും
ഞങ്ങളോളം വരില്ല
മറ്റൊരു പക്ഷിയും
നിന്റെ ജടില ചിന്തകൾ
ഞങ്ങളെ വെറുത്താലും
നിന്റെ ആത്മാക്കൾ
ഞങ്ങളെ വെറുക്കില്ല
നിന്റെ നീലാകാശത്ത്
പറക്കാൻ ഞങ്ങളെ
ആഗ്രഹിക്കാറില്ലെങ്കിലും
ഞങ്ങളെ പ്രതീക്ഷിക്കാറുണ്ട്
നിന്റെ എച്ചിൽ മനസിനെ
ശുദ്ധീ കരിക്കാൻ
ഈ കറുത്ത വർഗം തന്നെ
പറന്നെത്തണം
ഈ കറുപ്പും വെറുപ്പുമാണ്
ഞങ്ങളെ നിർഭയരാക്കുന്നത്
ഒരു വലയിലും വീഴ്ത്താത്തത്
ഒരു കൂട്ടിലും അടയ്ക്കാത്തത്
അതിനാൽ സുഹൃത്തേ
കറുപ്പിനോളം വരില്ല സ്വാതന്ത്ര്യം
ഒരു വെളുപ്പിനും
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.