നിന്റെ സമുദ്രം നിറഞ്ഞു
തൂവാതിരിക്കാൻ
ഞാനെന്റെ പുഴയെ
മുറുക്കിയടച്ചു
പച്ചമണം വല്ലാതെ
പൊഴിയുന്നിടത്തു വച്ച്
ഞാനെന്റെ ശാഖകൾ
മുറിച്ചു മാറ്റി
എന്റെ മഴവിൽ ചിറകുകൾ
നിന്റെ ഉയരത്തിലേയ്ക്ക് മാത്രം
പറന്നു നിറഞ്ഞു
നക്ഷത്ര വിരിപ്പിൽ നിന്റെ
വിരൽതുമ്പു മാത്രം തൊട്ടുവച്ചു
കടൽ കരയെ കൂടെ ചേർക്കും പോലെ
ഞാൻ നിന്നെ ചേർത്തുപിടിച്ചു
ഈ ഭൂമിയിലെ നിറങ്ങളെല്ലാം
നിന്നോട് ചേർത്തു
നിന്റെ മാത്രം ലോകത്തിലേയ്ക്ക്
ഞാനെന്നെ വരച്ചു ചേർത്തു
കോർത്തു നിറച്ച പ്രണയ മണികൾ
തൂവാതിരിക്കാൻ തുഞ്ചത്ത്
ഹൃദയത്തെ കൊളുത്തി വിട്ടു
ഭൂമിയുടെ അറ്റംവരെയും
ഒരുമിച്ചു നടക്കാൻ
വഴിയെല്ലാം വെളിച്ചം നിറച്ചു
പുതുമണം പൊഴിക്കാൻ
വാക്കുകളിൽ പൂക്കൾ വിരിച്ചു
നനുത്ത മണമുള്ള പുതിയ
ഉടുപ്പുകൾ തുന്നിവച്ചു
ഞാൻ നിന്നെ തിരയുമ്പോൾ
ഓർമ്മപെരുത്ത മഞ്ഞ
പൂക്കൾ വല്ലാതെ
പൊഴിയുന്നു
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.