കേരള സൂപ്പർ ലീഗിലെ കണ്ണൂർ വാരിയേഴ്സിന്റെ ടീമിനെ കണ്ണൂരിൽ പ്രഖ്യാപിച്ചു. കണ്ണൂർ നായനാർ അക്കാഡമിയിൽ നടന്ന ചടങ്ങിലാണ് ടീം പ്രഖ്യാപനം നടത്തിയത്. അഡ്രിയാൻ സാർഡിനേറോ കോർപ്പ, അൽവാരോ അൽവാരെസ് ഫെർണാണ്ടസ്, അസീർ ഗോമസ് അൽവാരെസ്, ഇലോയ് ഒർഡോണെസ് മുനിസ്, ഫ്രാൻസിസ് കോ ഡേവിഡ് ഗ്രാൻഡി സെറാനോ എന്നീ അഞ്ച് സ്പാനിഷ് താരങ്ങളും ഇന്ത്യൻ താരങ്ങളും ഉൾപ്പെടുന്നതാണ് ടീം. ആദിൽ അഹമ്മദ്ഖാൻ, പി.എ. അജ്മൽ, അക്ബർ സിദിഖ്, അലിസ്റ്റർ ആന്റണി, മുൻമുൻ തിമോത്തി, മുഹമ്മദ് അമീൻ, ഹഫീസ് മുഹമ്മദ്, ആൽബിൻ, ഗോകുൽ ഗോപകുമാർ, ലിയകാന്ത്, പി നജീബ്, റിഷാദ് ഗഫൂർ, വികാസ് എന്നിവരാണ് ടീമിലെ മറ്റു കളിക്കാർ.
സ്പെയിൻകാരനായ മാനുവൽ സാഞ്ചസ് മുറിയാസ് ആണ് മുഖ്യപരിശീലകൻ. വയനാട് സ്വദേശി എം. ഷഫീഖ് ഹസൻ സഹപരിശീലകനാണ്. കാസർഗോഡ് സ്വദേശി ഷഹീൻ ചന്ദ്രനാണ് ഗോൾ കീപ്പർ കോച്ച്. മുഹമ്മദ് അമീനാണ് ടീം മാനേജർ. ജേഴ്സി പ്രകാശനവും തീം സോംഗ് അവതരണവും നടന്നു. ചടങ്ങിൽ കണ്ണൂരിലെ ആദ്യകാല ഫുട്ബോൾ താരങ്ങളെ ആദരിച്ചു. സെലിബ്രിറ്റി ഓണർ നടൻ ആസിഫലി മുഖ്യതിഥിയായിരുന്നു. ടീം ഉടമകളായ ഡോ. എം.പി. ഹസൻകുഞ്ഞി (ചെയർമാൻ), മിബു ജോസ് നെറ്റിക്കാടൻ, സി എ മുഹമ്മദ് സാലിഹ് എന്നിവർ പ്രസംഗിച്ചു. കണ്ണൂർ ഗവ. മെഡിക്കൽ കോളജ് ഗ്രൗണ്ടിലാണ് ടീം പരിശീലനം നടത്തുക. പരിപാടിയോടനുബന്ധിച്ച് സൂപ്പർലീഗിന്റെ പ്രചരണാർഥമുള്ള സൂപ്പർപാസ് കേരളയ്ക്കുള്ള സ്വീകരണവും നൽകി.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.