കേരള ടൂറിസത്തിന്റെ കിരീടത്തിൽ ഒരു പൊൻതൂവൽ കൂടി. ട്രാവൽ പ്ലസ് ലെയ്ഷർ ഇന്ത്യയുടെ 2025ലെ മികച്ച വെൽനസ് ഡെസ്റ്റിനേഷനായി കേരളത്തെ തിരഞ്ഞെടുത്തു. ഓൺലൈൻ വോട്ടിംഗിലൂടെയാണ് സഞ്ചാരികൾ കേരളത്തെ ഈ അഭിമാനകരമായ നേട്ടത്തിനായി തിരഞ്ഞെടുത്തത്. വെൽനസ് ടൂറിസം മേഖലയിൽ കേരളം നടത്തുന്ന മുന്നേറ്റത്തിന് ലഭിച്ച വലിയൊരു അംഗീകാരമാണ് ഇതെന്ന് ടൂറിസം മന്ത്രി പി എ മുഹമ്മദ് റിയാസ് പ്രതികരിച്ചു. ആരോഗ്യ‑ആയുർവേദ ടൂറിസത്തിന് അന്താരാഷ്ട്ര തലത്തിൽ ലഭിക്കുന്ന സ്വീകാര്യതയാണ് ഈ അവാർഡ് സൂചിപ്പിക്കുന്നത്.
അടുത്തിടെ ബുക്കിങ്.കോം പുറത്തിറക്കിയ 2026ൽ നിർബന്ധമായും കണ്ടിരിക്കേണ്ട 10 ട്രെൻഡിങ് ഡെസ്റ്റിനേഷനുകളുടെ പട്ടികയിലും കേരളം തിളങ്ങിയിരുന്നു. ലോകോത്തര വിനോദസഞ്ചാര കേന്ദ്രങ്ങൾക്കൊപ്പം ഇന്ത്യയിൽ നിന്ന് കൊച്ചി മാത്രമാണ് ഈ പട്ടികയിൽ ഇടംപിടിച്ചത്. തുടർച്ചയായ ഈ അംഗീകാരങ്ങൾ കേരളത്തിന്റെ ടൂറിസം മേഖലയ്ക്ക് വലിയ ഉണർവ് നൽകുന്നതാണ്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.