ബില്ലുകളില് തീരുമാനമെടുക്കാന് വൈകുന്നതില് ഗവര്ണര്ക്കെതിരെ നല്കിയ ഹര്ജി പിന്വലിക്കാനൊരുങ്ങി കേരളം. നിലവില് ഗവര്ണര്ക്ക് മുന്നില് ബില്ലുകളില്ലെന്നും ഹര്ജി അപ്രസക്തമാണെന്നും വിലയിരുത്തിയാണ് ഹര്ജി പിന്വലിക്കാന് സര്ക്കാരിന്റെ നീക്കം. എന്നാല് ഹര്ജി പിന്വലിക്കുന്നതിനെ കേന്ദ്രം എതിര്ത്തു. വിഷയം കോടതി വരുന്ന ചൊവ്വാഴ്ച പരിഗണിക്കാനായി മാറ്റി. ബില്ലുകളില് തീരുമാനമെടുക്കാന് ഗവര്ണര്മാര്ക്ക് സമയപരിധി നിശ്ചയിക്കണമെന്നായിരുന്നു കേരളത്തിൻറെ ആവശ്യം. ഇങ്ങനെ നിസാരമായി ഹര്ജികള് ഫയല് ചെയ്യാനും പിന്വലിക്കാനും സാധിക്കില്ലെന്നും ഇത് ഭരണഘടനാപരമായ പ്രശ്നമാണെന്നും സോളിസിറ്റര് ജനറല് എതിര്പ്പറിയിച്ചു. ഹര്ജി പിന്വലിക്കുന്നതില് കേന്ദ്രം എതിര്പ്പറിയിച്ചത് വിചിത്രമെന്നാണ് സംസ്ഥാനത്തിന്റെ നിലപാട്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.