കേരള സര്വകലാശാല രജിസ്ട്രാറെ സസ്പെന്റ് ചെയ്ത നടപടിയില് അടിയന്തര സ്റ്റേ അനുവദിക്കാതെ ഹൈക്കോടതി. തന്നെ സസ്പെന്റ് ചെയ്ത വൈസ് ചാന്സലറുടെ നടപടി നിയമവിരുദ്ധമാണെന്ന് ചൂണ്ടിക്കാട്ടി കേരള സര്വകലാശാല രജിസ്ട്രാരറായിരന്നു ഡോ കെ എസ് അനില്കുമാരാണ് ഹൈക്കോടതിയെ സമീപിച്ചത്അടിയന്തര സ്റ്റേ അനുവദിക്കാതിരുന്ന കോടതി തിങ്കളാഴ്ച കേസ് പരിഗണിക്കുമെന്ന് അറിയിച്ചിട്ടുണ്ട്.
വൈസ് ചാന്സലര് സസ്പെന്ഡ് ചെയ്യാന് അധികാരമില്ലെന്ന് ചൂണ്ടിക്കാടിയപ്പോള് അങ്ങനെ സസ്പെന്ഡ് ചെയ്തിട്ട് സിന്ഡിക്കേറ്റിന്റെ അനുമതി തേടിയാല് പോരെ എന്ന സംശയം കോടതി ഉയര്ത്തി. ഗവര്ണര് രാജേന്ദ്ര ആര്ലേക്കര് പങ്കെടുത്ത ചടങ്ങിലുണ്ടായ ഭാരതാംബാ വിവാദത്തിലാണ് രജിസ്ട്രാര് ഡോ കെ എസ് അനില്കുമാറിനെ സസ്പെന്ഡ് ചെയ്തത്.
ഗവര്ണറോട് അനാദരവു കാണിച്ചെന്നും സര്വകലാശാലയുടെ പ്രതിച്ഛായ മോശപ്പെടുത്തുന്നതരത്തില് പ്രവര്ത്തിച്ചെന്നും കുറ്റപ്പെടുത്തി വൈസ് ചാന്സലര് ഡോ. മോഹനന് കുന്നുമ്മല് രജിസ്ട്രാറെ അന്വേഷണവിധേയമായി സസ്പെന്ഡു ചെയ്യുകയായിരുന്നു. സീനിയര് ജോ.രജിസ്ട്രാര് പി ഹരികുമാറിനാണ് പുതിയ ചുമതല നല്കിയിരിക്കുന്നത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.