ഉണ്ണി നീ ഓണമുണ്ണുക
വെട്ടിയ തൂശനിലയിൽ
അമ്മതൻ വാത്സല്യ
ശർക്കര ചോറ് നീ ഉണ്ണുക
തുമ്പയും തുമ്പിയും
ഊറിച്ചിരിക്കുന്ന
തൊടിയിൽ വരമ്പിൽ
ഒരു കുമ്പിൾ പൂതേടിയലയുക
വരിനെല്ല് പുളയുന്ന
പാടത്തിനക്കരെ പുഴയുണ്ട്
നീർ കുളിരുണ്ട്
അതിൽ നീന്തിത്തുടിക്കുക
പാണന്റെ നന്തുണിപാട്ടിലലിയുന്ന
പഴങ്കഥപ്പൊരുൾ തേടിയലയുക
കാലത്തിൻ കൈവല്യമാവുക
കണ്ണാന്തളിപ്പൂ മുറ്റത്ത്
പിച്ചകം തെച്ചിയും നന്ത്യാർവട്ടവും
നന്നായി നിരത്തുക
ഓണമില്ലാത്തോർക്കും
ഓണമുണ്ണാൻ
കൈവെള്ള നാക്കിലത്തുമ്പായ്
എന്നും നിവർത്തുക
ഒന്നുപോലെന്നുള്ള സൗഹൃദത്തെ
എന്നുമൊഴിയാതെ ചേർത്തു നീ വയ്ക്കുക
നാട്ടുവരമ്പിലെ നന്മതൻ പൂക്കളെ
മായ്ക്കാതെ നെഞ്ചിൽ
വരച്ചു നീ വയ്ക്കുക
ഇവിടെ വിലയ്ക്ക് വാങ്ങിയ
ഓണമുണ്ട്
നരച്ച് തേൻവറ്റിയ പൂക്കളമുണ്ട്
കുറുകി ജീവനറ്റ വാക്കിന്റെ സന്ദേശങ്ങളുണ്ട്
നാവിലെ രുചിയിടങ്ങളിൽ
വല്ലാത്ത ഉപ്പില്ലായ്മകളുണ്ട്
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.