ഓസ്കാറിനുള്ള ഇന്ത്യയുടെ ഔദ്യോഗിക എൻട്രിയായി ഹിന്ദി ചിത്രം ലാപതാ ലേഡീസ്. ആമിർഖാൻ, കിരൺ റാവു, ജ്യോതി ദേശ്പാണ്ഡെ എന്നിവർ ചേർന്ന് നിർമിച്ച ചിത്രം പ്രേക്ഷകപ്രീതി പിടിച്ചുപറ്റിയിരുന്നു.
ബോളിവുഡ് ചിത്രം ആനിമൽ, മലയാളം ദേശീയ അവാർഡ് നേടിയ “ആട്ടം”, കാൻ ജേതാവ് “ഓൾ വി ഇമാജിൻ ആസ് ലൈറ്റ്” എന്നിവയുൾപ്പെടെ 29 ചിത്രങ്ങളുടെ പട്ടികയിൽ നിന്നാണ് ഹിന്ദി ചിത്രമായ ലാപതാ ലേഡീസ് തെരഞ്ഞെടുത്തത്. തമിഴ് ചിത്രം “മഹാരാജ”, “കൽക്കി 2898 എഡി”, “ഹനു-മാൻ” എന്നീ തെലുങ്ക് ചിത്രങ്ങളും കൂടാതെ “സ്വാതന്ത്ര്യ വീർ സവർക്കർ”, “ആർട്ടിക്കിൾ 370” എന്നീ ഹിന്ദി ചിത്രങ്ങളും പട്ടികയിലുണ്ടായിരുന്നു.
കഴിഞ്ഞ വർഷം ഓസ്കാറിലേക്കുള്ള ഇന്ത്യയുടെ ഔദ്യോഗിക എൻട്രിയായി ജൂഡ് ആന്തണി ജോസഫ് സംവിധാനം ചെയ്ത 2018 എന്ന സിനിമയായിരുന്നു അയച്ചത്. തിയേറ്ററുകളില് വലിയ വിജയം നേടാന് കഴിഞ്ഞില്ലെങ്കിലും ഒടിടി പ്ലാറ്റ്ഫോമില് മികച്ച പ്രതികരണം നേടിയ ചിത്രമാണ് ലാപതാ ലേഡീസ്. വളരെ ശക്തമായ ഒരു വിഷയം ലളിതമായി അവതരിപ്പിച്ച ചിത്രമാണ്.
ഒരുപിടി നവാഗത അഭിനേതാക്കളെ കേന്ദ്രപാത്രങ്ങളാക്കി ഇന്ത്യന് ഗ്രാമീണ പശ്ചാത്തലത്തില് കഥ പറഞ്ഞൊരു കൊച്ചു ചിത്രമാണ്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.