ലഘിംപൂര്‍ കര്‍ഷകകൂട്ടക്കൊലക്കേസില്‍ ആശിഷ് മിശ്ര കീഴടങ്ങി. ലഘിംപൂര്‍ ജയിലിലാണ് കീഴടങ്ങിയത്. ഒരാഴ്ചക്കകം കീഴടങ്ങണമെന്ന് സുപ്രീംകോടതി ഉത്തരവിട്ട പശ്ചാത്തലത്തിലാണ് കീഴടങ്ങല്‍.
ഒരാഴ്ചക്കുള്ളില്‍ ആശിഷ് മിശ്ര കീഴടങ്ങണമെന്ന് ചീഫ് ജസ്റ്റിസ് എന്‍വി രമണ അധ്യക്ഷനായ ബെഞ്ചാണ് ഉത്തരവിട്ടത്. ജാമ്യം റദ്ദാക്കണമെന്നാവശ്യപ്പെട്ട് കര്‍ഷകരുടെ കുടുംബങ്ങള്‍ നല്‍കിയ ഹര്‍ജിയില്‍ കക്ഷി ചേരാത്തതിന് യുപി സര്‍ക്കാരിനും കോടതിയുടെ വിമര്‍ശനം.
യുപിയിലെ ലഖിംപൂര്‍ ഖേരിയില്‍ ഒക്ടോബര്‍ മൂന്നിന് നടന്ന കര്‍ഷക കൂട്ടക്കൊലയുമായി ബന്ധപ്പെട്ട കേസിലായിരുന്നു സുപ്രീം കോടതിയുടെ നിര്‍ണായക ഉത്തരവ്. നാല് കര്‍ഷകര്‍ അടക്കം എട്ട് പേരെ കാറോടിച്ച് കയറ്റി കൊന്ന സംഭവത്തില്‍ കേന്ദ്രമന്ത്രി അജയ് മിശ്രയുടെ മകന്‍ ആശിഷ് മിശ്രയുടെ ജാമ്യം റദ്ദാക്കിയ കോടതി ഒരാഴ്ചക്കകം കീഴടങ്ങണമെന്നും നിര്‍ദേശിച്ചിരുന്നു.
കഴിഞ്ഞ ഫെബ്രുവരി പത്തിനാണ് അലഹബാദ് ഹൈക്കോടതി ആശിഷ് മിശ്രയ്ക്ക് ജാമ്യം അനുവദിച്ചത്. ജാമ്യം അനുവദിച്ച ഹൈക്കോടതി നടപടിയെയും സുപ്രീംകോടതി വിമര്‍ശിച്ചിരുന്നു. ഇരകളുടെ കുടുംബങ്ങളുടെ വാദം കേട്ടിട്ടല്ലായിരുന്നു ഹൈക്കോടതി തീരുമാനം. അപ്രധാനമായ വസ്തുതകള്‍ പരിഗണിച്ചായിരുന്നു ഹൈക്കോടതി ഉത്തരവ്.
English summary;Laghimpur peasant massacre; Ashish Mishra surrendered
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.