വയനാട് ലക്കിടിയിൽ കോളേജ് വിദ്യാർത്ഥിനിയെ കുത്തി പരിക്കേൽപ്പിച്ച സംഭവത്തിൽ സുഹൃത്തിനെതിരെ വധക്കേസ്‌ ചുമത്തി.പൊലീസിന്റെയും ഫോറൻസിക്ക് സംഘത്തിന്റെയും നേതൃത്വത്തിൽ പ്രതിയുമായി സംഭവസ്ഥലത്ത് തെളിവെടുപ്പ് നടത്തി. ആക്രമിക്കാൻ ഉപയോഗിച്ച കത്തി പൊലീസ് വഴിയരികിൽ നിന്ന് കണ്ടെത്തി.
12 മണിയോടെയാണ് പ്രതി ദീപുവിനെയും സംഭവ സമയത്ത് കൂടെയുണ്ടായിരുന്ന സുഹൃത്ത് ജിഷ്ണുവിനേയും ലക്കിടിയിലെ റോഡരികിലെത്തിച്ച് തെളിവെടുപ്പ് നടത്തിയത്.പ്രതി കുറ്റം സമ്മതിച്ചതായി പൊലീസ് പറഞ്ഞു. കുത്താൻ ഉപയോഗിച്ച കത്തി സംഭവസ്ഥലത്ത് നിന്ന് കണ്ടെടുത്തു. 2018 മുതൽ ദീപുവും വിദ്യാർത്ഥിനിയും സൗഹൃദത്തിലായിരുന്നു .അടുത്തിടെ യുവാവ്‌ വിവാഹ അഭ്യർത്ഥന നടത്തി. എന്നാൽ സൗഹൃദം തുടരാനാണ്‌ ആഗ്രഹിക്കുന്നതെന്നും വിവാഹത്തിന്‌ താൽപര്യമില്ലെന്നും പെൺകുട്ടി പറഞ്ഞു.
ഇതോടെയാണ്‌ ആക്രമിക്കാൻ തീരുമാനിച്ചത് എന്ന് പ്രതി പൊലീസിന്‌ മൊഴി നൽകിയിട്ടുണ്ട്‌. പ്രതിയുടെ കൂടെയുണ്ടായിരുന്ന സുഹൃത്ത് ജിഷ്ണുവിന്‌ സംഭവം ആസൂത്രണം ചെയ്തത്‌ അറിയാമായിരുന്നുവെന്നാണ്‌ പൊലീസ് കരുതുന്നത്‌.തെളിവെടുപ്പ് പൂർത്തിയാക്കി പ്രതിയെ കോടതിയിൽ ഹാജരാക്കി. ആക്രമണത്തിൽ പരിക്കേറ്റ പുൽപ്പള്ളി സ്വദേശിനിയായ വിദ്യാർ‍ത്ഥിനിയുടെ മൊഴി ആശുപത്രിയിൽ എത്തി പൊലീസ് രേഖപ്പടുത്തിയിട്ടുണ്ട്‌.
English summary;Lakkidi stabed case updates
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.