ഉത്തരാഖണ്ഡിലെ ഉത്തരകാശി-ഗംഗോത്രി ദേശീയപാതയിൽ നലുന പ്രദേശത്ത് മണ്ണിടിച്ചിലുണ്ടായതിനെത്തുടർന്ന് ഗതാഗതം തടസപ്പെട്ടതായി സംസ്ഥാന സർക്കാരിൻറെ ഇൻഫർമേഷൻ ആൻഡ് പബ്ലിക് റിലേഷൻസ് വകുപ്പ് പറഞ്ഞു.
മേഖലയിൽ തുടർച്ചയായി ഉണ്ടാകുന്ന മണ്ണിടിച്ചിൽ മൂലം വാഹന ഗതാഗതം നിർത്തിവച്ചിരിക്കുകയാണ്.
ജംഗിൾ ഛാട്ടിയിൽ റോഡിന്റെ 200 മീറ്ററോളം കേടുപാടുകൾ സംഭവിച്ചതിനാൽ ഗതാഗതം തടസ്സപ്പെട്ടതായി വിവരം ലഭിച്ചതിനെത്തുടർന്ന് ശനിയാഴ്ച രാവിലെ ഉത്തരകാശി ജില്ലാ മജിസ്ട്രേറ്റ് പ്രശാന്ത് ആര്യ സ്യാനഛാട്ടി പ്രദേശത്തിന് മുന്നിലുള്ള യമുനോത്രി ദേശീയപാത (എൻഎച്ച്) പരിശോധിച്ചതായി ഉത്തരകാശി ഇൻഫർമേഷൻ വകുപ്പ് അറിയിച്ചു.
ഈ സന്ദർശന വേളയിൽ, ജില്ലാ മജിസ്ട്രേറ്റ് ആര്യ പാതയിലെ മണ്ണിടിച്ചിൽ സാധ്യതയുള്ള സ്ഥലങ്ങൾ പരിശോധിക്കുകയും ആവശ്യമായ എല്ലാ ക്രമീകരണങ്ങളും ഉറപ്പാക്കാൻ ബന്ധപ്പെട്ട വകുപ്പുകൾക്ക് നിർദ്ദേശം നൽകുകയും ചെയ്തു.
ഉത്തരകാശി മേഖലയിൽ കനത്ത മഴ പെയ്തതിനെത്തുടർന്ന് ഗംഗോത്രി, യമുനോത്രി ദേശീയ പാതകളിൽ അവശിഷ്ടങ്ങളും മരങ്ങളും റോഡിലേക്ക് വീണു ഗതാഗതം ഭാഗികമായി തടസ്സപ്പെട്ടതിനെ തുടർന്നാണ് ഇത് സംഭവിച്ചതെന്ന് പോലീസ് ഉദ്യോഗസ്ഥർ പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.