ലൈഫ് പദ്ധതി പ്രകാരം നിലവിൽ നിർമ്മാണത്തിലുള്ള 1,27,601 വീടുകൾക്കായി 1500 കോടി രൂപ ഹഡ്കോയില് നിന്ന് വായ്പ എടുക്കുന്നതിനായി സര്ക്കാര് ഗ്യാരന്റി നില്ക്കാൻ മന്ത്രിസഭായോഗം തീരുമാനിച്ചു. വായ്പാ വിഹിതം ലഭ്യമാക്കുന്നതിന് 1100 കോടി രൂപയും ലൈഫ് ലിസ്റ്റിൽ പട്ടികജാതി, പട്ടികവർഗ ഗുണഭോക്താക്കൾ കൂടുതലായി ഉൾപ്പെട്ടിട്ടുള്ള ഗ്രാമപഞ്ചായത്തുകളിലെ ഈ വിഭാഗത്തിൽപ്പെട്ട ഗുണഭോക്താക്കൾക്ക് ഭവന നിർമ്മാണ ധനസഹായം അവദിക്കുന്നതിന് 400 കോടി രൂപയും ഉൾപ്പെടെയാണിത്. കെയുആര്ഡിഎഫ്സി മുഖേനയാണ് വായ്പ. 2025–26ൽ 750 കോടി രൂപയും 2026–27ൽ 750 കോടി രൂപയും എന്ന രീതിയിലാണിത്. വായ്പയുടെ മുതൽ തിരിച്ചടവ് 15 വർഷം കൊണ്ട് തദ്ദേശ സ്വയംഭരണ സ്ഥാപനങ്ങളുടെ വികസന ഫണ്ടിൽ നിന്നും കുറവ് ചെയ്ത് ഹഡ്കോയ്ക്ക് നൽകും. ഓരോ വർഷവും ബജറ്റ് വിഹിതത്തിൽ നിന്നാവും വായ്പയുടെ പലിശ നല്കുക.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.