ലോക് സഭ തെരഞ്ഞെടുപ്പോടെ ഇന്ത്യ ഹിന്ദു രാഷ്ട്രമല്ലെന്ന് തെളിഞ്ഞതായി സാമ്പത്തിക വിദഗ്ധനും നോബെല്‍ സമ്മാന ജേതാവുമായ അമര്‍ത്യസെന്‍. മതിനിരപേക്ഷ രാഷ്ട്രമായ ഇന്ത്യയില്‍ രാഷ്ട്രീയമായി തുറന്ന മനസോടെ ഇരിക്കേണ്ടത് അത്യാവശ്യമാണെന്നും അദ്ദേഹം പറഞ്ഞു.
രാജ്യത്തെ ഹിന്ദുരാഷ്ടമായി മാറ്റനുള്ള ആശയം ഉചിതമല്ല. ഏതിന്റെ പ്രതികരണമാണ് ലോക് സഭ തെരഞ്ഞെടുപ്പില്‍ പ്രതിഫലിച്ചത്. കോടികള്‍ ചെലവഴിച്ചാണ് അയോധ്യയില്‍ രാമക്ഷേത്രം പണിത് ഇന്ത്യയെ ഹിന്ദുരാഷ്ട്രമായി ചിത്രീകരിക്കാന്‍ ശ്രമിച്ചത്. എന്നാല്‍ ക്ഷേത്രം ഉള്‍പ്പെടുന്ന മണ്ഡലത്തില്‍ പോലും ബിജെപി പരാജയപ്പെട്ടത് ജനവികാരം എത് തരത്തിലാണ് മുന്നോട്ട് പോകുന്നതെന്ന് കാട്ടിത്തരുന്ന വിഷയമാണ്.
ഗാന്ധിയുടെയും ടാഗോറിന്റെയും സുഭാഷ് ചന്ദ്രബോസിന്റെയും നാട്ടില്‍ ഇത്തരം വിഷലിപ്തമായ കാര്യങ്ങള്‍ നടക്കാന്‍ പാടില്ല. ബിജെപി ഉയര്‍ത്തിപ്പിടിക്കുന്ന കപട ഹിന്ദുത്വമല്ല ഇന്ത്യയുടെ ആത്മവ്. ഇന്ത്യയുടെ സത്വം മാറ്റാന്‍ ആരു ശ്രമിച്ചാലും നടക്കില്ല. ബ്രിട്ടിഷുകാരുടെ സമയത്ത് നടന്നത് പോലെ വിചാരണ കൂടാതെ ജനങ്ങളെ തടങ്കലില്‍ പാര്‍പ്പിക്കുന്ന പ്രവണത ഏറിവരുന്നതായും അദ്ദേഹം പറഞ്ഞു.
English Summary: Lok Sabha elections have proved that India is not a Hindu state: Amartyasen
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.