കാസർകോട്ട് മാർക്കറ്റിൽ ഒരാളെ കുത്തി, ഓടിക്കയറിയത് ആശുപത്രിയിലേക്ക്; പ്രതിയെ കീഴടക്കി

മാർക്കറ്റിൽ ഒരാളെ കുത്തിപ്പരുക്കേൽപിച്ച മനോദൗർബല്യമുള്ളയാളെ കാസർകോട് പൊലീസ് പിന്തുടർന്നു പിടികൂടി. ജനറൽ ആശുപത്രി പരിസരത്തു വച്ചാണ് ഇയാളെ പൊലീസ് ബലപ്രയോഗത്തിലൂടെ പിടികൂടിയത്. കസബ സ്വദേശി അബൂബക്കറിനാണ് കുത്തേറ്റത്.

കുത്തേറ്റ സ്ഥലത്ത് പൊലീസെത്തിയപ്പോൾ, മുൻപ് പൊലീസ് ഇടപെട്ട് ചികിത്സ നൽകിയ മനോദൗർബല്യമുള്ളയാൾ ഓട്ടോയിൽ കടന്നുകളയാൻ ശ്രമിക്കുന്നത് സിഐ അജിത് കുമാറിന്റെ ശ്രദ്ധയിൽപെട്ടു. സംശയം തോന്നി ഇയാളെ പിന്തുടർന്നപ്പോൾ കാസർകോട് ജനറൽ ആശുപത്രി കോംപൗണ്ടിലേക്ക് ഇയാൾ ഓടിക്കയറി. പിന്നാലെയെത്തിയ പൊലീസ് ആശുപത്രി പരിസരത്തു വച്ച് ഇയാളെ ബലപ്രയോഗത്തിലൂടെ കീഴടക്കുകയായിരുന്നു. പ്രതി ഇപ്പോൾ ജനറൽ ആശുപത്രിയിലാണ്.

eng­lish sum­ma­ry; Man stabbed in Kasarkode mar­ket, rushed to hos­pi­tal; The accused was subdued

you may also like this video;