കര്ദിനാള് പദവിയിലേക്ക് ഉയര്ത്തപ്പെട്ട് മാര് ജോര്ജ് കൂവക്കാട്. ഇതോടെ കത്തോലിക്കാ സഭയുടെ രാജകുമാരന്മാരുടെ ഗണത്തില് മാര് ജോര്ജ് കൂവക്കാടിന്റെ പേരും ചേര്ക്കപ്പെട്ടു. വത്തിക്കാനിലെ സെന്റ് പീറ്റേഴ്സ് ബസിലിക്കയില് നടന്ന ഭക്തി സാന്ദ്രമായ ചടങ്ങില് ഫ്രാന്സിസ് മാര്പാപ്പ സ്ഥാനചിഹ്നങ്ങള് അണിയിച്ചു. ദൈവത്തിന് എളിമയോടെ ഹൃദയം സമർപ്പിക്കണമെന്നും മറ്റുള്ളവരെക്കുറിച്ച് കരുതൽ വേണമെന്നും പ്രതീക്ഷ നഷ്ടപ്പെട്ടവരുടെ കണ്ണീരൊപ്പാനുള്ള വഴിയാണ് നമ്മുടെ മുന്നിലുള്ളതെന്നും നിയുക്ത കർദിനാൾമാരോട് മാർപ്പാപ്പ ആഹ്വാനം ചെയ്തു.
ചുവന്ന വസ്ത്രത്തിന് പുറത്ത് കറുത്ത വസ്ത്രം ധരിച്ചെത്തിയ മാര് ജോര്ജ് കൂവക്കാടിനെ ഇന്ത്യന് സമയം 9.23ന് ഇരുപതാമത്തെ ആളായാണ് വിളിച്ചത്.വലതുകൈയില് സ്ഥാനമോതിരവും കര്ദിനാള്ത്തൊപ്പിയും അണിയിച്ചപ്പോള് കേരളത്തിലെ കത്തോലിക്ക സമൂഹത്തിനും പ്രത്യേകിച്ച് അദ്ദേഹത്തിന്റെ രൂപതയായ ചങ്ങനാശ്ശേരി അതിരൂപതയ്ക്കും അത് അവിസ്മരണീയ നിമിഷമായി. കര്ദിനാള്മാര് ഓരോരുത്തരായി വിശ്വാസപ്രഖ്യാപനം നടത്തി മാര്പാപ്പയോടുള്ള കൂറും പ്രഖ്യാപിച്ചു. സഭയുടെ രഹസ്യങ്ങള് സൂക്ഷിക്കുമെന്ന സത്യപ്രതിജ്ഞയും ഇതോടൊപ്പം പ്രഖ്യാപിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.