മില്മ പാലിന് വില കൂട്ടില്ലെന്ന് റിപ്പോർട്ട്. ജിഎസ്ടി കുറയ്ക്കുന്ന ഘട്ടത്തില് പാല് വില കൂട്ടിയാൽ അത് ജനങ്ങള്ക്ക് ബുദ്ധിമുട്ടുണ്ടാക്കുമെന്ന വിലയിരുത്തലിലാണ് പുതിയ തീരുമാനം. 2026 ജനുവരി മാസത്തോടെ മില്മ പാലിൻറെ വിലവര്ധന നടപ്പിലാക്കാനാണ് കമ്മിറ്റി തീരുമാനിച്ചത്. പാല്വില വര്ധിപ്പിക്കേണ്ടെന്ന് മില്മയ്ക്ക് നിലപാടില്ലെന്നും അതിനുള്ള സാഹചര്യം ഒരുക്കേണ്ടതുണ്ടെന്നാണ് തീരുമാനിച്ചിരിക്കുന്നതെന്നും മില്മ ചെയര്മാന് കെ എസ് മണി അറിയിച്ചു.
പാലിന്റെ വില കൂട്ടുന്നതുമായി ബന്ധപ്പെട്ട രണ്ടാംഘട്ട മില്മ ബോര്ഡ് യോഗം ഇന്ന് തിരുവനന്തപുരത്ത് ചേര്ന്നിരുന്നു. ഓണത്തിന് ശേഷം പാലിൻറെ വില പരമാവധി അഞ്ച് രൂപ വരെ വര്ധിപ്പിക്കുമെന്നായിരുന്നു റിപ്പോർട്ടുകൾ. നേരത്തെ പാല്വില കൂട്ടുന്നതുമായി ബന്ധപ്പെട്ട സാഹചര്യങ്ങൾ പരിശോധിക്കാന് ഒരു വിദഗ്ധ സമിതിയെ നിയോഗിച്ചിരുന്നു. ഈ സമിതിയുടെ റിപ്പോര്ട്ട് കൂടി പരിഗണിച്ച ശേഷമാണ് പുതിയ തീരുമാനം.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.