ഗവര്ണറുടെ അഹങ്കാരത്തിന് മുന്നില് കേരളം തലകുനിക്കില്ലെന്ന് പൊതുവിദ്യാഭ്യാസ‑തൊഴില്വകുപ്പ് മന്ത്രി വി ശിവന്കുട്ടി.ഒരു സംസ്ഥാനത്തെ വികസന പ്രവര്ത്തനത്തെ ആകെ തകര്ക്കാന് ശ്രമിക്കുകയും ഭരണാധികാരിളെയും,കോരളത്തെ ആകമാനവും അപകീര്ത്തിപ്പെടുത്താന് ശ്രമിക്കുകയും ചെയ്യുന്ന വ്യക്തിയോട് എങ്ങനെയാണ് പെരുമാറേണ്ടത്എന്നും മന്ത്രി ശിവന്കുട്ടി ചോദിച്ചു.
പ്രശസ്ത ചരിത്രകാരന് ഇര്ഫാന് ഹബീബിനെ ഗുണ്ട എന്ന് വിളിച്ചാണ് ഗവര്ണര് അധിക്ഷേപിച്ചത്. സുപ്രീംകോടതി മുന് ജഡ്ജി രോഹിന്റണ് നരിമാനും അച്ഛന് പ്രമുഖ അഭിഭാഷകന് ഫാലി എസ് നരിമാനുമെതിരെ ഗവര്ണര് അധിക്ഷേപം ചൊരിഞ്ഞതും നാം കണ്ടു.കേരളത്തിന്റെ മുഖ്യമന്ത്രിയോട് കൈക്കൊള്ളുന്ന സമീപനം കണ്ടാല് ഏതെങ്കിലും ഒരു മലയാളിക്ക് ഗവര്ണറോട് മിണ്ടാന് കഴിയുമോയെന്നും മന്ത്രി ചോദിച്ചു ഗവര്ണറുടെ കുറേ നാളുകളായുള്ള സമീപനങ്ങളെ പാടെ മറന്നുകൊണ്ട് ഗവര്ണറോട് ഇടപഴകാന് കഴിയില്ല.
റിപ്പബ്ലിക് ദിന പ്രസംഗത്തില് കേന്ദ്രസര്ക്കാരിനെ പുകഴ്ത്താന് മാത്രമാണ് കൂടുതല് സമയവും ഗവര്ണര് ചെലവഴിച്ചത്. സംസ്ഥാന സര്ക്കാരിന്റെ നേട്ടങ്ങളെകുറിച്ച് വളരെക്കുറച്ചാണ് ഗവര്ണര് പ്രതിപാദിച്ചിരിക്കുന്നത്. രാജ്ഭവന് പ്രവര്ത്തിക്കുന്നത് ആര്എസ്എസ് നിര്ദ്ദേശപ്രകാരമാണ് എന്ന് സംശയിച്ചാല് തെറ്റില്ല. അതിനുള്ള സംവിധാനമാണ് അവിടെ ഒരുക്കിയിരിക്കുന്നതെന്നും മന്ത്രി വി ശിവന്കുട്ടി ചൂണ്ടിക്കാട്ടി.
English Summary:
Minister Sivankutty said that the Raj Bhavan is functioning on the instructions of the RSS
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.