എറണാകുളം ജനറല് ആശുപത്രിയിലെ മുതിര്ന്ന ഡോക്ടര്ക്കെതിരായ ലൈംഗികാതിക്രമ പരാതിയില് അന്വേഷണം നടത്താൻ ആരോഗ്യ മന്ത്രി വീണാ ജോര്ജ് ആരോഗ്യ വകുപ്പ് ഡയറക്ടര്ക്ക് നിര്ദ്ദേശം നല്കി. ആരോഗ്യ വകുപ്പ് വിജിലന്സ് വിഭാഗം അന്വേഷണം നടത്തും. സമൂഹമാധ്യമത്തില് വനിത ഡോക്ടര് ഇട്ട പോസ്റ്റ് ശ്രദ്ധയില്പ്പെട്ടതിനെ തുര്ന്നാണ് മന്ത്രിയുടെ ഇടപെടല്.
പരാതി മറച്ചുവച്ചോയെന്നതുള്പ്പെടെയുള്ള വിവരങ്ങള് കൃത്യമായറിയാന് അന്വേഷണം നടത്താന് ആരോഗ്യ വകുപ്പിന് നിര്ദേശം നല്കി. 2019 ൽ ഹൗസ് സർജൻസി ചെയ്യുമ്പോള് സീനിയർ ഡോക്ടർ ബലമായി മുഖത്ത് ചുംബിച്ചുവെന്നായിരുന്നു ഡോക്ടർ ഫേസ്ബുക്കിൽ കുറിച്ചത്. ആരോഗ്യവകുപ്പ് ഡയറക്ടര്ക്കും ആശുപത്രി സൂപ്രണ്ടിനും ഇ മെയില് വഴി വനിതാ ഡോക്ടര് പരാതി നല്കിയിട്ടുണ്ട്. പരാതി പരിശോധിച്ച ശേഷം പൊലീസിന് കൈമാറുമെന്ന് ആശുപത്രി സൂപ്രണ്ട് അറിയിച്ചു.
ആരോപണ വിധേയനായ ഡോക്ടര് ഇപ്പോഴും സര്വീസില് തുടരുന്നുണ്ടെന്നാണ് റിപ്പോര്ട്ട്. പീഡനവുമായി ബന്ധപ്പെട്ട വിവരം വനിതാ ഡോക്ടര് ഫെയ്സ്ബുക്കില് പങ്കുവെച്ചിട്ടുണ്ട്.
English Summary: minister veena george order to investigate the sexual accusation of a female doctor
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.