3 April 2025, Thursday
KSFE Galaxy Chits Banner 2

Related news

April 2, 2025
March 31, 2025
March 31, 2025
March 28, 2025
March 22, 2025
March 22, 2025
March 22, 2025
March 22, 2025
March 22, 2025
March 20, 2025

എംഎൻ സ്മാരകം ഉദ്ഘാടനം നാളെ

Janayugom Webdesk
തിരുവനന്തപുരം
December 25, 2024 10:20 am

നവീകരണം പൂർത്തീകരിച്ച സിപിഐ ആസ്ഥാന മന്ദിരം എംഎൻ സ്മാരകത്തിന്റെ ഉദ്ഘാടനം നാളെ രാവിലെ 10. 30ന് പാർട്ടി സംസ്ഥാന സെക്രട്ടറി ബിനോയ് വിശ്വം നിർവഹിക്കും. 11ന് എംഎൻ സ്മാരകത്തിന് മുന്നിൽ പതാക ഉയരും. കോൺഫറൻസ് ഹാൾ, പ്രസ് റൂം, ലൈബ്രറി, സോഷ്യൽമീഡിയ റൂം, ക്വാര്‍ട്ടേഴ്സ്, മെസ് എന്നിവ ഉൾപ്പെടെ വിപുലമായ സൗകര്യങ്ങളാണ് നവീകരിച്ച കെട്ടിടത്തിലുള്ളത്. ഉദ്ഘാടനത്തിന് ശേഷം ഓഫിസിൽ സിപിഐ സംസ്ഥാന കൗൺസിൽ യോഗം ചേരും.

പാർട്ടിയുടെ 99-ാം സ്ഥാപക ദിനത്തിലാണ് നിലവിൽ എഐടിയുസി ആസ്ഥാനമായ പി എസ് സ്മാരകത്തിൽ പ്രവർത്തിക്കുന്ന സംസ്ഥാന കൗൺസിൽ ഓഫിസ് എംഎൻ സ്മാരകത്തിലേക്ക് മാറുന്നത്. 2023 മേയ് 16ന് അന്നത്തെ സംസ്ഥാന സെക്രട്ടറി കാനം രാജേന്ദ്രനാണ് നവീകരണത്തിന് തറക്കല്ലിട്ടത്. എന്നാൽ നവീകരിച്ച മന്ദിരം പ്രവർത്തനസജ്ജമാകുന്നതിന് മുൻപ് കാനം വിട പറഞ്ഞു. അദ്ദേഹത്തിന്റെ സ്മരണയ്ക്കായി സംസ്ഥാന കൗൺസിൽ ചേരുന്ന ഹാളിന് കാനം രാജേന്ദ്രന്റെ പേരാണ് നൽകിയിരിക്കുന്നത്.

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.