നായാടംപൊയില് മലയോര ഹൈവേ ടെൻഡറില് പങ്കെടുത്തത് 11 പേർ. മൈലാടി മുതല് മൂലേപ്പാടം വരെയുള്ള ആദ്യറീച്ചിന് അഞ്ച് ടെൻഡറുകളും മൂലേപ്പാടം മുതല് നായാടംപൊയില് വരെയുള്ള രണ്ടാം റീച്ചിന് ആറ് ടെൻഡറുകളുമാണ് ലഭിച്ചത്. ടെൻഡറുകളുടെ പരിശോധ നടത്തി. സാധുവായ ടെൻഡറുകളില് കുറഞ്ഞ നിരക്കിലുള്ള ടെൻഡർ ചെയ്ത കരാറുകാർക്ക് ആയിരിക്കും നിർമാണ ചുമതല ലഭിക്കുക. മൈലാടി മുതല് മൂലേപ്പാടം വരെയുള്ള ഒമ്പത് കിലോമീറ്ററിന് 46 കോടിയും മൂലേപ്പാടം മുതല് നായാടംപൊയില് വരെയുള്ള രണ്ടാം റീച്ചിന് 74 കോടി രൂപയുമാണ് കിഫ്ബി ഫണ്ടില് അനുവദിച്ചിട്ടുള്ളത്. കേരള റോഡ് ഫണ്ട് ബോർഡിനാണ് ചുമതല. നിലന്പൂരില് നിന്ന് കോഴിക്കോട്ടേക്കുള്ള എളുപ്പ റോഡാണിത്. നൂറുക്കണക്കിന് മലയോര കർഷകർക്കും 40 ലേറെ ആദിവാസി നഗറുകള്ക്കും റോഡ് പ്രയോജനപ്പെടും.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.