സാമ്പത്തിക പ്രതിസന്ധിയെത്തുടര്‍ന്ന് ജനരോഷം ശക്തമായ സാഹചര്യത്തില്‍ 26 മന്ത്രിമാരുടെയും രാജി സ്വീകരിച്ചതായി ശ്രീലങ്കന്‍ പ്രസിഡന്റ് ഗോതബയ രജപക്‌സെ. പ്രധാനമന്ത്രി മഹിന്ദ രജപക്‌സെ പ്രസിഡന്റുമായി നടത്തിയ കൂടിക്കാഴ്ചയ്ക്ക് പിന്നാലെയാണ് മന്ത്രിമാരുടെ രാജി സ്വീകരിച്ചത്. പ്രതിസന്ധിയെ നേരിടാന്‍ വേണ്ടി പുതിയ സര്‍വ കക്ഷി സര്‍ക്കാര്‍ ഉണ്ടാക്കാനാണ് തീരുമാനം. മന്ത്രിസഭയില്‍ ചേരാന്‍ പ്രതിപക്ഷ പാര്‍ട്ടികളെ പ്രസിഡന്റ് ക്ഷണിച്ചിട്ടുണ്ട്. പാര്‍ലമെന്റില്‍ പ്രാതിനിധ്യമുള്ള എല്ലാ പാര്‍ട്ടികള്‍ക്കും മന്ത്രിസ്ഥാനമുണ്ടാകുമെന്ന് പ്രസിഡന്റ് ഗോതബയ രജപക്‌സെ അറിയിച്ചു.
പതിനേഴ് പാര്‍ട്ടികള്‍ അടങ്ങുന്ന ഭരണസഖ്യമായ ശ്രീലങ്ക പൊതുജന പേരമന മുന്നണിയിലും ഭിന്നത രൂക്ഷമായതോടെയാണ് ലങ്കന്‍ സര്‍ക്കാര്‍ അസാധാരണ തീരുമാനം എടുത്തത്. ഇതിനിടെ, കേന്ദ്ര ബാങ്കിന്റെ മേധാവി അജിത് നിവാര്‍ഡ് കബ്രാലും രാജിവച്ചു. എല്ലാ കാബിനറ്റ് മന്ത്രിമാരും രാജിവച്ച സാഹചര്യത്തില്‍ താനും രാജിവയ്ക്കുന്നതായി അദ്ദേഹം ട്വിറ്ററില്‍ അറിയിച്ചു. നേരത്തെ, മഹിന്ദ രാജപക്സെ രാജിവച്ചതായി റിപ്പോര്‍ട്ട് വന്നെങ്കിലും പ്രധാനമന്ത്രിയുടെ ഓഫീസ് ഇത് നിഷേധിച്ചിരുന്നു.
English summary; Move to form a new all-party government in Sri Lanka
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.