കാട്ടുകൊമ്പൻ പടയപ്പയും മൂന്ന് കൊമ്പന്മാരും മതപാടിലായതിനാല് വനംവകുപ്പ് ജാഗ്രത നിര്ദേശം പുറപ്പെടുവിച്ചു. മൂന്നാറിലേക്ക് പോകുന്ന വിനോദ സഞ്ചാരികള്ക്കും, നാട്ടുകാര്ക്കുമാണ് വനംവകുപ്പ് ജാഗ്രതാ നിര്ദേശം നല്കിയത്. ആനകള് അക്രമകാരികളാകാന് സാധ്യതയുള്ളതിനാല് അടുത്തുപോകാന് പാടില്ലെന്നും പ്രകോപിപ്പിക്കുന്ന പ്രവര്ത്തികള് ഉണ്ടാകരുതെന്നും നിര്ദേശത്തില് പറയുന്നു.
കഴിഞ്ഞ് കുറച്ച് ദിവസങ്ങളായി പടയപ്പ അക്രമകാരിയായി തുടരുകയാണ്. ദിവസങ്ങള്ക്ക് മുന്പ് മാട്ടുപ്പെട്ടിയില് ഇറങ്ങിയ പടയപ്പ വഴിയോരക്കടകള് തകര്ക്കുകയും പഴങ്ങളും പച്ചക്കറികളും എടുത്തുകഴിക്കുകയും ചെയ്തിരുന്നു. കഴിഞ്ഞ ദിവസവും പടയപ്പ ജനവാസ മേഖലയില് എത്തിയിരുന്നു. മൂന്നാര് വട്ടക്കാട് ടവര് ഭാഗത്താണ് ആനയെത്തിയത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.