മ്യാൻമർ നേതാവ് ഓങ് സാൻ സൂചി വീണ്ടും ജയിലിലേക്ക്.കോവിഡ് പ്രോട്ടോകോൾ ലംഘനത്തിന് നാല് വർഷത്തേക്കാണ് സൂചിയെ ശിക്ഷിച്ചത്.കോവിഡ് നിയന്ത്രണങ്ങൾ ലംഘിച്ചതിന് രണ്ട് വർഷവും ഇതിന് പ്രേരണ നൽകിയതിന് രണ്ട് വർഷവുമാണ് സൂചിക്കുള്ള ശിക്ഷ.ഫെബ്രുവരി ഒന്നിന് സൈന്യം അധികാരം പിടിച്ചതിന് പിന്നാലെയാണ് സൂചിക്കെതിരായ നടപടികൾക്ക് വീണ്ടും തുടക്കമിട്ടത്. സൂചിക്കെതിരായ ആദ്യം രജിസ്റ്റർ ചെയ്ത കേസുകളിലാണ് ഇപ്പോൾ വിധിയുണ്ടായിരിക്കുന്നത്. എന്നാൽ, മറ്റ് കേസുകളിലും സൂചിക്കെതിരായി കോടതി ഉത്തരവ് പുറത്ത് വന്നാൽ അവർക്ക് വർഷങ്ങളോളം ജയിലിൽ കിടക്കേണ്ടി വരും.
കഴിഞ്ഞ വർഷം തെരഞ്ഞെടുപ്പ് പ്രചാരണത്തിനിടെ കോവിഡ് പ്രോട്ടോകോൾ ലംഘിച്ചുവെന്നാണ് സൂചിക്കെതിരായ ആരോപണം. കഴിഞ്ഞ തെരഞ്ഞെടുപ്പിൽ സൂചിയുടെ നേതൃത്വത്തിലുളള പാർട്ടിയാണ് വിജയിച്ചതെങ്കിലും ഇത് അംഗീകരിക്കാൻ സൈന്യം തയാറായിരുന്നില്ല. തുടർന്ന് സൈന്യം മ്യാൻമറിന്‍റെ അധികാരം പിടിക്കുകയും സൂചിയെ തടവിലാക്കുകയായിരുന്നു.
english summary;Myanmar leader Aung San Suu Kyi jailed again
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.