ഭൂചലനമുണ്ടായ മ്യാന്മറിലേക്ക് സഹായമെത്തിക്കാന് ഇന്ത്യ. സൈനിക ഗതാഗത വിമാനത്തില് ഏകദേശം 15 ടണ് ദുരിതാശ്വാസ വസ്തുക്കള് മ്യാന്മറിലേക്ക് അയയ്ക്കുമെന്ന് വൃത്തങ്ങള് അറിയിച്ചു. ഇന്ത്യന് വ്യോമസേനയുടെ C130J വിമാനമാണ് സഹായത്തിനായി എത്തുക. ഹിന്ഡണ് വ്യോമസേനാ സ്റ്റേഷനില് നിന്നാണ് വിമാനങ്ങള് അയയ്ക്കുക. ടെന്റുകള്, സ്ലീപ്പിംഗ് ബാഗുകള്, പുതപ്പുകള്, റെഡി-ടു-ഈറ്റ് ഭക്ഷണം, വാട്ടര് പ്യൂരിഫയറുകള്, സോളാര് ലാമ്പുകള്, ജനറേറ്റര് സെറ്റുകള്, അവശ്യ മരുന്നുകള് തുടങ്ങിയ സാധനങ്ങളാണ് അയക്കും. തായ്ലന്റിലെ ഇന്ത്യന് എംബസി ഹെല്പ് ലൈന് നേരത്തെ തുറന്നു.
തായ്ലന്റിലുള്ള ഇന്ത്യന് പൗരന്മാര്ക്ക് അടിയന്തര സാഹചര്യങ്ങളില് +66 618819218 എന്ന നമ്പറില് ബന്ധപ്പെടാമെന്ന് എംബസി അറിയിച്ചു. ബാങ്കോക്ക് എംബസിയിലെയും ചിയാങ്മയിലെ ഇന്ത്യന് കോണ്സുലേറ്റിലെയും ജീവനക്കാര് സുരക്ഷിതരാണെന്നും എംബസി എക്സിലൂടെ അറിയിച്ചു. നിലവില് 150 പേരോളം ഭൂചലനത്തില്പ്പെട്ട് മരിച്ചുവെന്നാണ് റിപ്പോര്ട്ടുകള്. നിരവധിപ്പേരാണ് കെട്ടിടാവശിഷ്ടങ്ങള്ക്കിടയില് കുടുങ്ങിക്കിടക്കുന്നത്.
അമേരിക്കന് പ്രസിഡന്റ് ഡോണള്ഡ് ട്രംപ് മ്യാന്മറിന് സഹായമെത്തിക്കുമെന്ന് അറിയിച്ചു. രാജ്യത്ത് വ്യാപക നാശനഷ്ടങ്ങളുണ്ടായി. പാലങ്ങളും കെട്ടിടങ്ങളും തകര്ന്നു. തായ്ലന്റ് തലസ്ഥാനമായ ബാങ്കോക്കിലും വലിയ നാശനഷ്ടങ്ങളുണ്ടായിട്ടുണ്ട്. നിര്മാണത്തിലിരുന്ന ബഹുനില കെട്ടിടം തകര്ന്നുവീണ് നിരവധി തൊഴിലാളികള് കുടുങ്ങിക്കിടക്കുകയാണ്. രണ്ട് രാജ്യങ്ങളിലും അടിയന്തരാവസ്ഥ പ്രഖ്യാപിച്ചത്.
പ്രദേശിക സമയം ഉച്ചയ്ക്ക് 11.50ഓടെയാണ് റിക്ടര് സ്കെയിലില് 7.7 തീവ്രത രേഖപ്പെടുത്ത ശക്തിയേറിയ ഭൂചലനം മ്യാന്മറില് അനുഭവപ്പെട്ടത്. പ്രഭവ സ്ഥാനം മ്യാന്മര് ആയിരുന്നെങ്കിലും ഒപ്പം തായ്ലന്റിലും ശക്തമായ പ്രകമ്പനമുണ്ടായി. ബാങ്കോക്കില് നിരവധി വലിയ കെട്ടിടങ്ങള് തകര്ന്നുവീണതായും ആയിരക്കണക്കിന് ആളുകളെ വീടുകളില് നിന്ന് ജോലിസ്ഥലങ്ങളില് നിന്നും ഒഴിപ്പിക്കുകയും ചെയ്തിട്ടുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.