ഗുളികയില്‍ നിന്ന് ആണി കണ്ടെത്തിയതിനെത്തുടര്‍ന്ന് മേഘാലയയിലെ ഈസ്റ്റ് ഖാസി ഹിൽസ് ജില്ലയിലുള്ള പ്രാഥമിക ആരോഗ്യകേന്ദ്രത്തിനെതിരെ അന്വേഷണം. തന്റെ 12 വയസ്സുള്ള മകൾക്ക് നല്‍കിയ ഗുളികയില്‍ ആണിയുണ്ടായിരുന്നുവെന്ന് കാട്ടി സ്ത്രീ നല്‍കിയ പരാതിയിലാണ് നടപടി. പോംലം പ്രൈമറി ഹെൽത്ത് കെയർ സെന്ററിലെ (പിഎച്ച്സി) ഡോക്ടർമാർ നിർദ്ദേശിച്ച ആൻറിബയോട്ടിക് ഗുളികകളിൽ ആണി കണ്ടെത്തിയെന്ന് ഇവര്‍ ആരോപിച്ചു. ഇക്കാര്യത്തിൽ അന്വേഷണം നടത്തുമെന്ന് ഉദ്യോഗസ്ഥർ പറഞ്ഞു. ശനിയാഴ്ച പിഎച്ച്‌സിയിലെ ഡോക്ടർമാർ നിർദ്ദേശിച്ച 10 അമോക്സിസിലിൻ ഗുളികകളിൽ രണ്ടെണ്ണത്തിനുള്ളിലാണ് ആണികള്‍ കണ്ടെത്തിയത്.
ആശുപത്രി അധികൃതര്‍ക്കെതിരെ നടപടിയെടുക്കണമെന്ന് ആവശ്യപ്പെട്ട് അവർ പിഎച്ച്സി അധികൃതർക്ക് പരാതി നൽകിയിരുന്നു. സംഭവത്തിനുപിന്നാലെ ആരോഗ്യമന്ത്രി അമ്പാരീൻ ലിംഗ്‌ദോയുടെ നേതൃത്വത്തിൽ സീനിയർ സ്‌പെഷ്യലിസ്റ്റുകളുടെയും ഡിപ്പാർട്ട്‌മെന്റിലെ ഡ്രഗ്‌സ് ഇൻസ്‌പെക്ടറുടെയും നേതൃത്വത്തിൽ മെഡിക്കൽ ടീമിനെ രൂപീകരിച്ചു. സംഭവത്തില്‍ അന്വേഷണം പുരോഗമിക്കുകയാണെന്ന് അധികൃതര്‍ പറഞ്ഞു.
English Summary: Nail in the pill: Investigation against primary health center
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.