എന്ഡിഎയുടെ ഉപരാഷട്രപതി സ്ഥാനാര്ത്ഥി സി പി രാധാകൃഷ്ണന് നാമനിര്ദ്ദേശ പത്രിക സമര്പ്പിച്ചു. പ്രധാനമന്ത്രി നരേന്ദ്ര മോഡിക്കും, കേന്ദ്രമന്ത്രിമാര്ക്കുമൊപ്പമെത്തിയായിരുന്നു പത്രികാസമർപ്പണം. ആഭ്യന്തരമന്ത്രി അമിത് ഷാ, പ്രതിരോധമന്ത്രി രാജ്നാഥ് സിങ്, ആരോഗ്യമന്ത്രിയും ബിജെപി ദേശീയ പ്രസിഡന്റുമായ ജെ പി നദ്ദ ഗതാഗതമന്ത്രി നിതിന് ഗഡ്കരി എന്നിവരാണ് പ്രധാനമന്ത്രിക്കൊപ്പം സി.പി രാധാകൃഷ്ണനെ അനുഗമിച്ചത്.
പ്രധാന പത്രികയ്ക്കൊപ്പം മൂന്ന് സെറ്റ് പത്രികകൂടി സിപി രാധാകൃഷ്ണന് സമര്പ്പിച്ചിട്ടുണ്ട്. പ്രധാനമന്ത്രി നരേന്ദ്ര മോഡിയാണ് ആദ്യത്തെ പത്രിക വരണാധികാരിക്ക് സമര്പ്പിച്ചത്. നാമനിര്ദ്ദേശ പത്രിക സമര്പ്പിക്കുന്നതിന് മുമ്പ് അദ്ദേഹം പാര്ലമെന്റ് വളപ്പിലെ മഹാത്മാഗാന്ധിയുടെ അടക്കമുള്ള നേതാക്കളുടെ പ്രതിമകള് സ്ഥാപിച്ചിരിക്കുന്ന പ്രേരണാ സ്ഥലിലെത്തി അഭിവാദ്യങ്ങള് അര്പ്പിച്ചു. കഴിഞ്ഞ ഞായറാഴ്ചയാണ് രാധാകൃഷ്ണന്റെ സ്ഥാനാര്ഥിത്വം ബിജെപി പ്രഖ്യാപിച്ചത്. തമിഴ്നാട്ടില് നിന്നുള്ള മുതിര്ന്ന ബിജെപി നേതാവാണ് സിപി രാധാകൃഷ്ണന്. മുന് പാര്ലമെന്റ് അംഗവും ഝാര്ഖണ്ഡ്, തെലങ്കാന സംസ്ഥാനങ്ങളിലെ ഗവര്ണറുമായിരുന്നു. നിലവില് മഹാരാഷ്ട്ര ഗവര്ണറാണ്
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.