ബെർലിനിൽ സ്ത്രീകൾക്കും ഇനി അർധനഗ്നരായി പൊതു നീന്തൽ കുളത്തിൽ ഇറങ്ങാമെന്ന് നിയമം. മേൽവസ്ത്രമില്ലാതെ നീന്തൽ കുളത്തിൽ ഇറങ്ങിയതിന്റെ പേരിൽ തന്നെ പുറത്താക്കിയതിനെതിരെ ഒരു യുവതി നൽകിയ പരാതിയിലാണ് പുതിയ നടപടി. പുരുഷന്മാരെപ്പോലെ സ്ത്രീകൾക്കും മേൽവസ്ത്രമില്ലാതെ നീന്തൽ കുളത്തിൽ ഇറങ്ങാൻ അനുമതി നൽകണമെന്ന് യുവതി പരാതിയില് ആവശ്യപ്പെട്ടിരുന്നു.
ലിംഗഭേദമന്യേ എല്ലാവർക്കും അർധനനഗ്നരായി നീന്തൽ കുളത്തിൽ ഇറങ്ങാമെന്ന് പുതിയ നിയമത്തില് പറയുന്നു. അധികൃതർ കടുത്ത വിവേചനമാണ് കാണിക്കുന്നതെന്നും കുളത്തിലുപയോഗിക്കുന്ന വസ്ത്രത്തിലുള്ള അവകാശം എല്ലാവര്ക്കും ഒരുപോലെയാണെന്നും ചൂണ്ടിക്കാട്ടി യുവതി സെനറ്റ് ഓംബുഡ്സ്പഴ്സന് പരാതി നൽകുകയായിരുന്നു. ബെർലിനിലെ എല്ലാവർക്കും തുല്യനീതി ഉറപ്പാക്കുകയാണ് പുതിയ നിയമം കൊണ്ട് ലക്ഷ്യമാക്കുന്നതെന്ന് ഓംബുഡ്സ്പഴ്സൻ ഓഫിസ് അറിയിച്ചു.
പൊതു നീന്തൽകുളങ്ങൾ തങ്ങളുടെ വസ്ത്രനിയമം മാറ്റുമെന്ന് പ്രസ്താവനയിലൂടെ അറിയിച്ചിട്ടുണ്ട്. നേരത്തെ മേൽവസ്ത്രമില്ലാത്ത സ്ത്രീകൾക്ക് നീന്തൽകുളത്തിൽ ഇറങ്ങുന്നതിന് ആജീവനാന്ത വിലക്കു വരെ ഏർപ്പെടുത്തിയിരുന്നു.
English Summary: Now you can swim half-naked; Berlin lifts ban on women
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.