ഒഡിഷയില് രണ്ടര വയസുകാരനെ പിതാവ് വില്ക്കാൻ ശ്രമിച്ചു. ബാരിസാഹി ഗ്രാമത്തില് ആണ് സംഭവം. ഇതുമായി ബന്ധപ്പെട്ട് കുട്ടിയുടെ പിതാവ് ഉള്പ്പെടെ രണ്ട് പേരെ പൊലീസ് കസ്റ്റഡിയില് എടുക്കുകയും കുട്ടിയെ മോചിപ്പിക്കുകയും ചെയ്തതായി ഉദ്യോഗസ്ഥര് അറിയിച്ചു. വില്പ്പനക്കാരനും പിതാവും കുഞ്ഞിനെ കൈമാറുന്നതുമായി ബന്ധപ്പെട്ട് നടത്തുന്ന വിലപേശലിന്റെ വിഡിയോ സമൂഹമാധ്യമത്തില് ഉള്പ്പെടെ പ്രചരിച്ചതിന് പിന്നാലെയാണ് നടപടികള്. ഒരു പ്രാദേശിക ആക്ടിവിസ്റ്റ് പരാതി നല്കിയതിന് പിന്നാലെയാണ് നീലഗിരി പൊലീസ് വിഷയത്തില് ഇടപെട്ടത്.
നിര്മാണ തൊഴിലാളിയായ കുവ എന്ന രാകേഷ് കുമാര് ബെഹറയാണ് കുട്ടിയുടെ പിതാവ്. ഇടപാടിന്റെ ആദ്യഘഡുവായി ഇയാള്ക്ക് 50,000 രൂപ ലഭിച്ചതായും പൊലിസ് പറയുന്നു. സാമ്പത്തിക ബുദ്ധിമുട്ടുകള് മൂലമാണ് കുട്ടിയെ വില്പന നടത്താൻ രാകേഷ് ശ്രമിച്ചതെന്ന് പൊലീസ് വ്യക്തമാക്കി. ചിമിനിഭാട്ടി പ്രദേശത്ത് നിന്ന് കുഞ്ഞിനെ രക്ഷപ്പെടുത്തി ചൈല്ഡ് വെല്ഫെയര് കമ്മിറ്റിക്ക് കൈമാറിയതായി പൊലീസ് പറഞ്ഞു. കൂടാതെ വിഷയത്തില് കൂടുതല് അന്വേഷണം നടന്നുവരികയാണെന്നും പൊലീസ് കൂട്ടിചേര്ത്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.