ഓണം സ്പെഷ്യൽ ഡ്രൈവ് വാഹന പരിശോധനയ്ക്കിടെ മാരക മയക്കുമരുന്നായ മെത്താ ഫിറ്റമിനുമായി ആറ് യുവാക്കൾ പിടിയിൽ . ഇവർ സഞ്ചരിച്ചിരുന്ന മാരുതി സ്വിഫ്റ്റ് ഡിസയർ കാറും കസ്റ്റഡിയിലെടുത്തു. മുകുന്ദപുരം താലൂക്ക് തെക്കുംകര വില്ലേജിൽ കരൂപ്പടന്ന മുടവൻ കാട്ടിൽ യാസിൻ, പേ ബസാർ ചുള്ളി പറമ്പിൽ യാസിൻ, മേനോൻ ബസാർ വാട്ടപ്പിള്ളി അസ്കർ, മലപ്പുറം ജില്ലയിൽ മഞ്ചേരി ചുള്ളിക്കുളത്ത് ഫവാസ്, അഴീക്കോട് പരുത്തിയേക്ക് അജ്മൽ കരൂപ്പടന്ന, പള്ളിനട വലിയകത്ത് ഫവാദ് എന്നിവരെയാണ് എക്സൈസ് റെയ്ഞ്ച് ഇൻസ്പെക്ടർ ഷാം നാഥും പാർട്ടിയും പിടികൂടിയത്.
എറിയാട് വച്ച് നടത്തിയ വാഹന പരിശോധനയിലാണ് കാറിൽ നിന്നും മയക്കു മരുന്ന് പിടികൂടിയത്. പ്രിവന്റീവ് ഓഫീസർ മന്മഥൻ, സിഇഒമാരായ നിയാസ് അഫ്സൽ, റിഹാസ് ചിഞ്ചു പോൾ, ലിസ, ഡ്രൈവർ വിൽസൺ എന്നിവർ ഉണ്ടായിരുന്നു. ഇവർക്ക് മെത്താ ഫിറ്റമിൻ എത്തിച്ച് നൽകിയ പ്രതിയെ കുറിച്ചുള്ള വിവരങ്ങൾ എക്സൈസ് ഉദ്യോഗസ്ഥർക്ക് ലഭിച്ചിട്ടുണ്ട് . തീരദേശത്തെ പ്രമുഖ വിദ്യാലയത്തിലെ വിദ്യാർത്ഥികളാണ് പിടിയിലായ യുവാക്കൾ.
English Summary:Onam Special Drive Vehicle Inspection; Youth arrested with deadly drug methafitmin
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.